Lohan: Konsolidim konsensusit politik
E Shtune, 10 Maj 2008
Rozeta Rapushi
Dy vjet pas nenshkrimit te Marreveshjes se Stabilizim-Asocimit mes Shqiperise dhe Bashkimit Evropian, vendi yne ka ende sfida per t'u perballur e reforma per te realizuar per te qene pjese e BE-se. Shefi i delegacionit te Komisionit Evropian, Helmut Lohan, por dhe ambasadori i OSBE-se, Robert Bosch, ja bene te ditur kete dje drejtuesve kryesore te vendit ne konferencen "Dy vjet nga nenshkrimi i MSA dhe roli i Kuvendit". "Deputetet shqiptare kane perpara tyre nje sfide te dyfishte: te ndertojne dhe te konsolidojne konsensusin politik per kerkesat qe rrjedhin nga MSA-ja dhe njekohesisht te ruajne te njejten linje legjislative me BE-ne", nenvizoi ambasadori i KE, Helmut Lohan. Ai ju uroi deputeteve suksese ne plotesimin e kesaj sfide, nderkohe qe vleresoi reformen kushtetuese dhe konsensusin e gjetur mes pozites dhe opozites per votimin e tyre. Lohan theksoi se kjo ka qene dhe pervoja e vendeve te meparshme kandidate e tashme anetare ne BE si dhe permendi se perspektiva evropiane e Shqiperise eshte konfirmuar nga perfaqesuesit me te larte te BE-se. Ndersa ambasadori i OSBE-se, Robert Bosch, kerkoi nga Kuvendi qe te mbikeqyre punen e qeverise ne procesin e integrimit ne strukturat euroatlantike.
"Do te sugjeroja se megjithese eshte Qeveria, ajo qe udheheq procesin e reformave, Parlamenti mbart rolin kryesor ne mbikeqyrjen e punes se Qeverise ne lidhje me procesin e integrimit", tha Bosch. Ai u shpreh se po punohet per realizimin e nje sere reformash, duke permendur se nenshkrimi i MSA-se dy vjet me pare ishte rezultat i punes dhe perpjekjeve te medha te ndermarra nga qeverite, por edhe nje rezultat i aspiratave dhe deshires se mbare popullit shqiptar. Vleresimet e saj ne konference i dha dhe ambasadorja e Frances, Maryse Daviet. "Vleresoj reformen kushtetuese qe ashtu si ne vendin tim, u be me nje konsensus mes mazhorances dhe opozites", tha Daviet. Sipas saj, tashme Shqiperia po ecen drejt BE-se dhe shpresohet qe se shpejti te perfundoje i gjithe procesi i ratifikimit nga parlamentet kombetare te vendeve. Por, nga ana tjeter, Daviet theksoi se eshte e nevojshme qe te nxitet me shume bashkepunimi mes forcave politike ne procesin e reformave ne sistemin elektoral dhe ate te drejtesise. "Reformat kerkojne sakrifica, por te gjitha palet duhet te bashkepunojne. Reformat shpesh nuk jane te perkrahura dhe nuk behen thjesht per te kenaqur BE-ne, por per te arritur qellimin e Shqiperise per t'u bere anetare e BE-se. Franca gjate Presidences se radhes se BE-se, do te mbeshtese perspektiven evropiane te Shqiperise dhe te Ballkanit", theksoi ajo.
