Putin-Medvedev nderron kolltuket
E Premte, 09 Maj 2008
Kremlini ka bere nje ndryshim emrash, por jo strategjie politike dhe deri-diku, as doren e forte te urdhrit presidencial. Ekspertet vleresojne keshtu, emerimin e Presidentit te ri te Rusise, Dmitri Medvedev. Ai zevendeson ne detyre, paraardhesin dhe "ithtarin" e tij Vladimir Putin. Ky i fundit, si "shperblim" nga personi qe vete e zgjodhi per ne krye te shtetit, mori portofolin e Kryeministrit. Analistet jane shprehur me doza te forta kritike per ndryshimet e tipit "kukull", sic vleresojne ata, duke besuar se politika nderkombetare ruse nuk do te kete ndryshime thelbesore, ne saje te faktit se Putin, serish do te jete "de facto" kreu i politikes shteterore ruse. Per me teper, ai ka nje portofol tjeter jo me pak te rendesishem, ate te kryeministrit, pasi tete vitet e fundit, mbajti kolltukun presidencial.
Si per t'ia perforcuar bindjen analisteve se Putin "de facto" eshte kreu i Kremlinit, Presidenti i ri rus, Dmitri Medvedev, leshoi dje nje deklarate befasuese, kur tha se "Vladimir Putin do te kete rol kyc ne realizimin e planeve te fiksuara deri ne vitin 2020 per zhvillimin e Rusise". Kete deklarate, Presidenti i ri rus e beri para Parlamentit, duke shtuar: "Si kryetar i qeverise, ai do te luaje nje rol vendimtar per realizimin e tyre". Pohimet e Medvedev, u bene pasi ai permendi detyrat e fiksuara ne strategjite e zhvillimit te Rusise deri ne vitin 2020.
Po dje, Duma ruse miratoi propozimin e Medvedev per te vene Putinin ne krye te qeverise. Kandidatura, u miratua me shumice absolute. Putin mori 87,1 per qind te votave te 392 deputeteve. Vetem 56 deputetet komuniste votuan kunder.
Pasi siguroi postin e Kryeministrit, Putin leshoi nje premtim te bujshem para te zgjedhurve te popullit. Ai tha se brenda dhjete viteve te ardhshme, qytetaret e Rusise do te kene nivel jetese te larte po aq sa te dhjete vendeve me te pasura te botes. Premtimi i Putin, u pasua nga garanci te tij per te rritur fondet mbi "mbrojtjen berthamore dhe ajrore", qe i cilesoi si "dy kolonat kryesore te sigurise kombetare". Ai lajmeroi dhe krijimin e nje fondi te vecante per financimin e ketyre forcave. Nje miliard USD eshte shifra qe pritet te shtohet ne keto zera te buxhetit shteteror rus. Sakaq, ai publikoi se "ushtria ruse qe nga viti 2001, ka siguruar me shume se 300 lloje te ndryshme armesh te reja".
Duma lehteson regjimin e vizave
Parlamenti rus i dha dje Presidentit kompetencat per te lehtesuar perkohesisht masat per emigracionin, duke u hapur keshtu rrugen mijera tifozeve britanike te futbollit te hyjne ne Rusi per finalen e "Champions League" pa vize. Duma shteterore, Dhoma e Ulet e Parlamentit, ndryshoi nje ligj ekzistues per te lejuar Presidentin e ri rus, Dmitri Medvedev te zbuse ose te pezulloje kerkimin e vizes per ngjarjet qe terheqin nje numer te madh vizitoresh te huaj "ne interesin kombetar" te vendit. Ligji ishte per Lojerat Olimpike te dimrit ne Soci te vitit 2014, por miratimi i shpejte i tij perpara ndeshjes se futbollit te 21 majit midis klubeve angleze "Mancester United" dhe "Chelsea" provoi se qeveria reagon shpejt ndaj situatave. Afro 40 mije shtetas te huaj duhet te shkojne per te pare ndeshjen ne fjale, por kjo shifer eshte minimalja.
