Nafta, dje cmimi u rrit me 4 leke
E Premte, 09 Maj 2008
Cmimi i nje litre nafte u rrit edhe me 4 leke te tjera dje ne pikat e shitjes me pakice.
Nga 149 leke per liter qe ishte cmimi deri me tani, dje u be 153 leke/liter. Tregtaret edhe kete here kane dhene si shkak rritjen e cmimeve ne tregjet nderkombetare. Kurba e rritjes se cmimit te karburanteve gjate ketij viti, ka pesuar ndryshime te herepashershme. Gjate 4 viteve te fundit, cmimet e karburanteve jane rritur mbi 65%. Ne fillim te 2008-es, qe ne ditet e para, cmimet e karburanteve ne tregjet shqiptare nuk pesuan ndryshim, dhe nje liter nafte eurodiezel u shit me 140-145 leke/liter, ndersa diezel-i me 130-135 leke/liter. Ne muajin shkurt, ne tregjet tona, eurodiezeli u shit me 140 leke/liter, benzina me 142 leke/liter dhe diezel-i me 135 leke/liter. Ndersa ne muajt ne vijim, cmimet kane ardhur drejt rritjes. Kurba e levizjes se cmimit te shitjes se naftes ne tregjet boterore gjate vitit 2007 pesoi nje rritje te madhe, nga 50 USD per fuci arriti ne 96 USD per fuci ne fund te tij, cka u reflektua edhe ne tregjet e vendit. Por qe ne fillim te vitit 2008, ne daten 3 janar, cmimi i naftes ne tregun amerikan dhe te Azise arriti ne 98 dollare per barel, duke ruajtur tendencen e rritjes. Edhe dje, nje fuci nafte ne Bursat e Nju Jorkut, u shit me 124 usd. Ndersa ne tregun e shitjeve me pakice numerohen 1.002 stacione karburantesh, prej te cilave me vertetim jane 700 dhe 331 me autorizim. Nafta qe do te qarkulloje ne tregun vendas do te jete me cilesore, dhe kjo per shkak te kalimatesave qe jane vendosur ne pikat e doganave.
