Topi e Berisha, vleresim PAMECA-s
E Premte, 09 Maj 2008
Presidenti Bamir Topi dhe Kryeministri Berisha vleresuan dje ndihmen e Misionit PAMECA ne Shqiperi ne reformimin e strukturave te rendit dhe ngritjen e nivelit profesional. Ne nje takim zhvilluar ne Presidence me kreun e ri te ketij misioni, Majkell Kolbern, Topi tha se pas marrjes se fteses per anetaresim ne NATO, strukturat e rendit shqiptar kane nevoje per pervoje dhe ndihme nga misione te tilla. "Mund te perfitojne shume nga bashkepunimi i frytshem dhe pervoja e misioneve te tilla ndihmese si PAMECA dhe EURALIUS duke mundesuar konsolidimin e shtetit ligjor dhe rritjen e sigurise e levizjen e lire te njerezve", theksoi Topi. Nga ana e tij, kreu i Misionit PAMECA 3, Kolbern pasi falenderoi Presidentin Topi per urimet dhe mbeshtetjen e vazhdueshme dhe e siguroi se se bashku me ekipin qe ai drejton, do te punoje pa u kursyer ne drejtim te rritjes se cilesise profesionale te strukturave te rendit te Shqiperise. Po keshtu ai premtoi bashkepunim ne perfeksionimin e kuadrit ligjor me Ministrine e Brendshme dhe Policine e Shtetit ne kuader te permbushjes edhe te standardeve te kerkuara integruese.
