Berisha, dreke me ambasadoret e vendeve te NATO-s per ftesen
E Premte, 09 Maj 2008
Kreu i qeverise, Berisha, zhvilloi diten e djeshme nje takim me studentet ne Qytetin Studenti per te ndare edhe aty sloganin " Shqiperia ne NATO". Gjate fjales se tij ne kete takim, Berisha theksoi se qeveria qe ai drejton do te bej cdo perpjekje per te liberalizuar edhe levizjen e lire te studenteve, te qytetareve shqiptare drejt vendeve te Bashkimit Evropian. Sipas Berishes, liberalizimi i vizave ishte dhe ceshtja kryesore ne takimin qe ai zhvilloi me Presidentin e Komisionit Evropian, Barroson. Nga ana tjeter, Berisha theksoi se tashme Shqiperia ishte pjese e NATO-s dhe madje anetaresimi i saj me te drejta te plota ne kete organizate te rendesishme do te behej ne nje kohe sa me te shkurter. Nga ana tjeter, Berisha theksoi se ky anetaresim ka ardhur si pasoje e reformave te bera nga qeveria qe ai drejton. Po keshtu, Berisha foli edhe per fenomenin e korrupsionit dhe theksoi se vertet ne vend ai ekziston por ne administraten shqiptare tashme nuk ka me konflikt interesi. Sipas Berishes, edhe shpenzimet e administrates jane ulur se tepermi.
Po dje, Kryeministri Berisha shtroi nje dreke ne Pallatin e Brigadave ne shenje falenderimi per ambasadoret e vendeve anetare te NATO-s me rastin e marrjes se fteses per anetaresim ne Samitin e Bukureshtit. Kryeministri Berisha u shprehu ambasadoreve te vendeve anetare te NATO-s, mirenjohjen e thelle per mbeshtetjen e cmuar qe vendet anetare te Aleances kane dhene per integrimin e Shqiperise.
F.Mejdini
