Simpozium nderkombetar per skulpturen
E Enjte, 08 Maj 2008
Per here te pare, skulptore te njohur nga vendi dhe bota do te mblidhen se bashku ne nje simpozium 12-ditor, qe do te zhvillohet ne qytetin juglindor te Korces, nga data 25 qershor-6 korrik te ketij viti. Simpoziumi i Pare Nderkombetar i Skulptures organizohet nga bashkia e qytetit juglindor ne bashkepunim me qendren kulturore "Vangjush Mio". Sipas drejtorit te qendres, Vladimir Topi, deri tani kane konfirmuar pjesemarrjen skulptoret Vladimir Kacaku-Korce, Emanuel Koko-Tirane, Genti Tavanxhiu-Shkoder dhe artistet e huaj Jo Kley e Uli Schvander (Gjermani), Chifu Panaite (Rumani) e Giorgie Cpaiak (Serbi). "Krijimet ne skulptura te artisteve do te mbeten pjese e qytetit, pasi eshte parashikuar qe te vendosen ne Parkun Rinia te Korces", theksoi drejtori Topi, duke nenvizuar se ato do te jene vepra te artit bashkekohor dhe ne permasa te medha.