Terminal pasagjeresh per Portin e Durresit

Ne qershor te ketij do te nise puna per ndertimin e nje terminali te ri modern pasagjeresh ne Portin e Durresit. Ministri i Puneve Publike, Transportit dhe Telekomunikacionit, Sokol Olldashi dhe drejtori ekzekutiv i firmes sllovene S.C.T, Bojan Kenda, firmosen dje kontraten per "Ndertimin e Terminalit te Pasagjereve dhe Shesheve ne Portin e Durresit", nje projekt i cili financohet nga Banka Evropiane e Investimeve, BERZH dhe Komisioni Evropian me vlere rreth 15,2 milione euro. Terminali do te kete nje kapacitet per rreth 2 mije pasagjere, ndersa sheshet e parkimit rrotull godines do te kene nje kapacitet per rreth 2000 automjete, si vetura apo mjete transporti mallrash, deklaroi kreu i Transporteve dje gjate firmosjes se kontrates. Ndertimi i ketij terminali do te mundesoje levizjen sa me komode dhe te shpejte te pasagjereve qe vine nepermjet trageteve dhe kruazierave, sidomos ne periudhen e veres apo gjate festave. Firma e kontraktuar per realizimin e ketij projekti do te nise punimet me 6 qershor te ketij viti, te cilat jane parashikuar te zgjasin 22 muaj. Ne projekt eshte parashikuar edhe ndertimi i shesheve dhe rrugeve lidhese ne zonen e operimit te trageteve, ndertimi i rreth 65 mije meter katrore sheshe te betonuar, rruga e re hyrese ne zonen e trageteve, portat hyrese dhe dalese, sistemi i drenazhimit te ujerave siperfaqesor, i ujit te pijshem dhe te impiantit te pastrimit te ujerave ne zonen e trageteve, ndertimi i sistemit elektrik se bashku me nenstacionin dhe gjeneratoret, i sistemit te ndricimit te shesheve dhe rrugeve lidhese. E gjithe zona e re e trageteve do te kufizohet me rrethim metalik dhe xham plastik per te lejuar pamjen nepermjet tij dhe do te kete parametra te larte sigurie. Terminali i ri i pasagjereve do te jete nje konstruksion metalik njekatesh me siperfaqe rreth 5 mije metra katrore, ne te cilin do te perfshihen te gjitha ambientet e nevojshme per sherbimin dhe kontrollin e pasagjereve si sallat e pritjes ne hyrje dhe dalje te godines, pikat e shitjes se biletave dhe agjencite e udhetimit, pikat e kontrollit doganor dhe te dokumenteve personale, ambiente sherbimi per personelin etj. Projekti parashikon edhe ndertimin e mbikalimit per levizjen e pasagjereve qe vijne nga stacioni ekzistues hekurudhor i Durresit, godinen e inspektimit doganor, godinen per sherbimin e shofereve te mjeteve te transportit te mallrave qe do te udhetojne me tragete si dhe strukturat dhe ambientet ne hyrje dhe dalje te zones se terminalit nga ku do te kryhet dhe kontrolli i dokumenteve per pasagjeret dhe mjetet.

Skeda e projektit

-Vlera e projektit rreth 15,2 milione euro

-Terminali do te kete nje kapacitet per rreth 2 mije pasagjere

-Sheshet e parkimit do te kene nje kapacitet per rreth 2000 automjete

-Punimet do te fillojne me 6 qershor te ketij viti dhe jane parashikuar te zgjasin 22 muaj.

-Ndertimi i rreth 65 mije meter katrore sheshe te betonuara

-Terminali i ri i pasagjereve do te jete nje konstruksion metalik njekatesh me siperfaqe rreth 5 mije metra katrore

-Projekti parashikon edhe ndertimin e mbikalimit per levizjen e pasagjereve qe vijne nga stacioni ekzistues hekurudhor i Durresit

Korridori 8, projektet zhvendosen ne porte

Negociatat ndermjet Shqiperise, Italise, Maqedonise, Bullgarise dhe Turqise ne kuader te Korridorit 8 kane shpallur prioritete per kete vit zgjerimin e porteve te Durresit dhe Vlores ne Shqiperi dhe Varnes dhe Burgasit ne Bullgari. Korridori i 8 lidh portet bullgare me portet italiane, duke kaluar nepermjet Shqiperise.