Ciklon fatal ne Birmani, 10 mije te vdekur
E Marte, 06 Maj 2008
Llogaritet te kete shkuar ne 10 mije numri i viktimave nga cikloni "Nargis" i fundjaves ne Birmani. Por shifrat rriten cdo ore dhe deri dje ne mbremje, burime jozyrtare ne terren, flisnin per 15 mije te vdekur dhe tre mije konsiderohen te humbur. Stuhia tropikale perfshiu te shtunen kete vend te Azise juglindore. Ne qytetin milionesh Rangun dhe ne delten e lumit Irrawady eshte nderprere furnizimi me energji elektrike dhe me uje te pijshem. Pemet e rrezuara kane bllokuar shume rruge. OKB-ja, kerkoi nga junta ushtarake qe te lejoje hyrjen e ndihmave.
Nisur nga situata, qeveria e ketij vendi ka deklaruar se mirepret ndihmen nga jashte per te perballuar gjendjen e jashtezakonshme. India dhe Tajlanda jane dy vendet e para qe kane premtuar dergimin e ndihmave ne ushqime dhe medikamente. Regjimi ushtarak ne Birmani eshte shume i mbyllur, cka e veshtireson marrjen e informacionit dhe qasjen e shpejte te bashkesise nderkombetare ne zonat e goditura. Pa marre parasysh shkaterrimet ne vend, junta ushtarake do te mbaje sipas planit me 10 maj, referendumin per nje Kushtetute te re. Nderkohe stuhia tropikale ka mberritur ne veri te Tailandes, ku ka shkaktuar reshje te dendura.
