Dita e Evropes, Prishtina ne kremtime
E Hene, 05 Maj 2008
Kryeqyteti i Kosoves, Prishtina, nisi dje veprimtarite me rastin e Dites se Evropes, 9 majit, me nje maratone vrapimi te te rinjve te shkollave te mesme, te cilet ne fanella bartnin simbole te Bashkimit Evropian. "Kosova deshiron te percoje mesazhin e qarte se populli i saj eshte i misheruar me vlerat evropiane dhe se ka synim te integrohet plotesisht ne familjen evropiane te vendeve demokratike, ku liria dhe respektimi i te drejtave te secilit perben bazen e shoqerise demokratike", deklaroi kryetari i bashkise se Prishtines, Isa Mustafa. "Ne do te deshmojme, dhe kete po e bejme perdite, se integrimi i Kosoves ne bashkesine evropiane do kontribuoje per diversitetin e vlerave dhe kulturave ne Evrope. Institucionet e Kosoves kane percaktuar nje axhende te qarte te aktiviteteve per te pershpejtuar integrimin ne Evrope permes 'Planit te veprimit per partneritet evropian", ka theksuar Mustafa. Ai ka bere te ditur se Komuna e Prishtines bashke me qeverine kane bere te gjitha pergatitjet qe sivjet kjo dite te shenohet ne menyre te vecante, sepse eshte 9 maji i pare ne Kosoven e pavarur.
Organizatoret pohuan se "veprimtarite qe organizohen per kete dite do te kontribuojne ne ngritjen dhe shperndarjen e informacioneve tek qytetaret per Bashkimin Evropian dhe progresin ekonomik e shoqeror qe sjell integrimi evropian". Me 9 maj ne te gjitha shkollat e Prishtines nje ore mesimi do t'i kushtohet Dites se Evropes, ndersa do te organizohen edhe debate me nxenes lidhur me rendesine e eurointegrimit. Gjithashtu, ne te gjitha shkollat e kryeqytetit do te organizohen koncerte me muzike klasike.
