Hetimet mbi Gerdecin, votat per Ina Ramen

Prokurorja e Pergjithshme eshte shpallur "Personazhi i javes" per periudhen 30 prill-4 maj, pasi ka marre 52.3 per qind te votave qe hodhen 1900 lexues ne sondazhin e gazetes "Koha Jone" ne faqen e saj zyrtare online. Ina Rama ka marre vleresimin nga me shume se gjysma e pjesemarresve ne sondazh, per shkak te daljes publike para disa ditesh, ku deklaroi rezultatin e hetimeve mbi tragjedine e Gerdecit. Kryeprokurorja vleresoi se hetimet jane avancuar ne mase te atille, saqe kerkonin dhe heqje imuniteti per ish-Ministrin e Mbrojtjes, Fatmir Mediu. Ky i fundit, i ka vleresuar akuzat e prokurorise si te stisura dhe hetimin, te njeanshem.

Menjehere pas Ina Rames, i dyti ne sondazh eshte renditur Kryeministri i Republikes se Kosoves, Hashim Thaci. Ai ka marre 37.7 per qind te totalit prej 1 900 votash qe dhane lexuesit e "KJ", duke klikuar ne sondazhin "Personazhi javor". Thaci mori vleresimet e shqiptareve ne vendin tone, trojet jashte kufirit dhe pjesen tjeter te botes, per refuzimin zyrtar dhe publik qe i beri pretendimeve te Beogradit, per te zhvilluar zgjedhje lokale serbe ne 23 komuna te Kosoves.

Publicisti i njohur Adriatik Kallulli, eshte renditur i treti ne kater me te votuarit e "Personazhit javor" ne "Koha Jone" online. Prof. Kallulli, ne kuadrin e debatit qe hapi "Koha Jone" mbi rishkrimin e pritshem te historise se letersise shqipe, vleresoi se paragjykimet qe ekzistojne ne vend, ende e pengojne nje proces te tille. Kallulli, ka marre 6.9 per qind nder 1 900 vota.

Kryetari i Grupit Parlamentar te Partise Republikane Arian Madhi, ka marre 3.1 per qind te votave nder 1900 pjesemarres ne sondazhin e perjavshem qe organizon "Koha Jone" ne faqen e saj online. Madhi eshte vleresuar nga lexuesit per akuzat qe ai hodhi ndaj Prokurorise se Pergjithshme, se kjo e fundit ka hedhur pretendime te njeanshme gjate hetimit te tragjedise se Gerdecit.

Ed.Ku