Koshtunica, me i rrezikshem se Nikolic

Nga "The New York Times"

Lideri i Partise Radikale te Serbise, Tomislav Nikolic, ka thene se ai nuk eshte rimisherim i Slobodan Milloshevicit. Jo pse ai mendon se Milloshevici ishte i keq, sepse, sic pohon Nikolic, Milloshevici nuk ishte kriminel, por beri shume gabime. Problemi me Milloshevicin qendronte ne faktin se ai kurre nuk perfundonte ate qe e fillonte. "Te gjitha lufterat qe i filloi, ai i dorezoi", thote Tomislav Nikolic, per te shtuar se ai nuk mund te cilesohet si nje Milloshevic tjeter.

Keto pohime te Nikolicit nuk kane flakur shqetesimet qe ne rast te fitores se Partise Radikale, Serbia mund te rreshqase drejt nje konfrontimi te ri me Perendimin. "Ne vitet e '90-a, Perendimi kishte drejtuar gishtin nga Milloshevici, si diktator dhe ate e kishte fajesuar per izolim te Serbise", thote analisti liberal serb, Dejan Anastasijevic, i cili shton se, "nese Nikolici fiton, ai do te jete i zgjedhur ne rruge demokratike dhe Perendimi do te mendoje se serbet kane shpirt te keq dhe meritojne veteshkaterrimin".

Nikolic akuzon rende Shtetet e Bashkuara dhe Bashkimin Evropian per njohjen e pavaresise se Kosoves, por perjashton mundesine e nje lufte te re per Kosoven. Nikolic thote se perendimoret nuk kane se perse te frikesohen nga epilogu i zgjedhjeve, ndonese per shkak te kushteve te padrejta qe u jane imponuar, ato po cojne Serbine drejt Lindjes, perkatesisht Rusise, Kines dhe Indise.

Nikolic ka fituar popullaritet, duke luajtur ne karten e zemerimit te votuesve serbe me pavaresine e Kosoves. Ai thote se, nese do te fitoje, atehere do te tentoje qe me mjete diplomatike te kontestoje, sic e quan ai, "pavaresine ilegale" te Kosoves.

Nikolic thote se ne parim ai mbeshtet integrimin e Serbise ne Evrope, por Perendimi, duke mbeshtetur pavaresine e Kosoves, po shtyn Serbine drejt braktisjes se ketyre aspiratave.

Kohet e fundit, Nikolic ka intensifikuar marredheniet me Rusine dhe nuk fsheh se Serbia do te deshironte te mbante nje kembe ne lindje dhe nje ne perendim. "Evropa do te beje gabim nese na perjashton, sepse do te na conte te pala tjeter, ndersa ne duam qe ne Serbi t'i kemi te dyja, edhe Rusine, edhe Evropen", thote Tomislav Nikolic. Perderisa liberalet serbe e portretizojne Nikolicin si demagog radikal, disa diplomate perendimore thone se ai paraqet rrezik me te vogel per interesat e Perendimit, sesa kryeministri aktual Koshtunica. "Vojisllav Koshtunica eshte nacionalist romantik, anti-perendimor i shekullit 19", thote nje diplomat perendimor, duke shtuar se "Nikolic eshte me pragmatik".

Botuar ne numrin e djeshem te "NYT"