Samiti i Ohrit ngre alarmin per energjine

Pothuajse te gjitha shtetet ne bote, te vogla ose te medha, po ballafaqohen me problemin e energjise, i cili do te thellohet edhe gjate periudhes se ardhshme. Keto konstatime erdhen dje ne sesionin e dyte te Samitit ne Oher, ku 17 Presidente te vendeve nga Evropa Qendrore debatuan per perspektivat dhe sfidat energjetike.

Problemi energjetik, sic u vu ne dukje ne Samit, e vendos imperativin per gjetjen e zgjidhjeve, te cilat kane per qellim stabilitet afatgjate energjetik dhe zhvillim ekonomik.

"Interesi dhe prioriteti me i larte shteteror eshte qe te marrim pjese ne formulimin e nje qasjeje me te gjere rajonale dhe evropiane, duke kerkuar pergjigje per keto sfida komplekse", deklaroi Presidenti i Maqedonise, Branko Cervenkovski. Sipas tij, kjo do te thote "te shprehim vullnet te qarte politik dhe interes konkret qe te behemi pjese e korridoreve kryesore transportuese per nafte dhe gaz, si dhe ne menyre te drejtperdrejte te marrim pjese ne ndertimin e infrastruktures transportuese dhe kapaciteteve te reja energjetike".

Per pjesemarresit ne Samit, instalime te tilla dhe komplekset infrastrukturore, pavaresisht ne cilin territor do te ndertohen, do te kene rendesi edhe per BE-ne edhe per rajonin ne teresi. "Per kete shkak Maqedonia eshte e gatshme te marre pjese ne keto projekte te perbashketa me shtete te tjera, gje qe eshte edhe ne interes tone", tha Presidenti Cervenkovski, duke iu drejtuar kolegeve te tij.

Shefi i shtetit turk, Abdulla Gjul, mes tjerash, tha se shteti i tij ndermerr masa qe gjate pese viteve te ardhshme te behet arteria e katert energjetike, me te cilen do te furnizohet Evropa. Ai tha se po ndertohen depo te medha per gaz, nyje energjetike, korridore transportuese, te drejtuara ndaj furnizimit te Evropes me energji.

Presidenti i Bullgarise, Georgi Pervanov, lidhur me sfidat energjetike, tha se energjia berthamore eshte alternative serioze per Evropen. Bullgaria, sic tha ai, eshte pjese e Ballkanit dhe ka ambicie te garantoje siguri me energjine elektrike, jo vetem per vete, por edhe per vendet ne fqinjesi.

Presidenti gjerman Horst Keler, duke folur per problemin energjetik, e theksoi nevojen per lidhje rajonale te kapaciteteve dhe tregjeve te ekonomise, si dhe eurointegrimin e tyre me te madh.

Ndersa Presidenti Topi u ndal ne zgjerimin e BE. Ai tha se Evropa e Bashkuar nuk mund te jete e plote pa shtrirjen e saj drejt Ballkanit Perendimor. Kreu i shtetit shqiptar vleresoi se "anetaresimi ne BE dhe NATO i vendeve te rajonit, ka kontribuar ne pershpejtimin e reformave demokratike ne vendet e perfshira ne proceset integruese".

Samiti i radhes i Presidenteve te Evropes Qendrore e Juglindore do te mbahet ne Serbi.

"Ohri", Shqiperia ne nje pozicion te ri

Samiti i 15-te i Presidenteve te vendeve te Evropes Qendrore, i mbajtur ne Oher, te Maqedonise, ishte deshmi e nje pozicioni te ri te Shqiperise ne arenen nderkombetare, pas marrjes se fteses per anetaresimin ne NATO, me 3 prill. Teme kryesore e ketij Samiti ishin ceshtjet e integrimit euroatlantik, te bashkepunimit rajonal, sfidat e zgjerimit te BE-se, si dhe mundesia per nje ekonomi me te fuqishme e konkurruese, perspektivat e investimeve dhe perballimi i kerkeses gjithnje e ne rritje per energji. Ne fjalen e tij Topi rikonfirmoi qendrimin e palekundur te Shqiperise ne rrugen drejt anetaresimit te plote ne NATO dhe BE. "Marrja e fteses gjate Samitit te Bukureshtit perben jo vetem nje moment historik ne marredheniet e saj me Aleancen, por njekohesisht nje nga ngjarjet me te rendesishme ne historine e saj", u shpreh Presidenti Topi.

Kosova, realiteti i ri ne rajon

Samiti vleresoi se "Kosova, realiteti i ri ne rajonin tone". Ne fakt kjo ishte dhe emertesa e temes tjeter qe zuri vend ne punimet e Samitit. Edhe pse nga pjesemarresit u prezantuan qendrime te ndryshme, te gjithe rane dakord se stabiliteti rajonal eshte i nje rendesie te vecante. Rajoni i Ballkanit ende nuk mund te vleresohet si nje vend i sigurt dhe prosperues. Per kete arsye bashkesia nderkombetare duhet te beje perpjekje shtese me qellim te arritjes se stabilitetit te qendrueshem ne Ballkan, u tha ne samit.