Abonete, bashkia perplasje me shoqaten e transportit urban
E Diele, 04 Maj 2008
Duket se rifutja ne treg e aboneve per transportin urban ne Tirane do te vazhdoje te mbetet ne kuadrin e fjaleve, pavaresisht premtimeve te bashkise se kryeqytetit. Dje, nenkryetari i Bashkise se Tiranes, Eduard Shalsi, premtoi se abonete do te dalin ne treg ne henen. Megjithese vendimet per nxjerrjen ose jo, te aboneve nuk i merr ky institucion, Shalsi ka lene te kuptohet se Bashkia e Tiranes do te zhvilloje negociata me Shoqaten e Transportit Qytetes per kete ceshtje. Por, nga ana tjeter, perfaqesues te kesaj te fundit duket se nuk do te leshojne pe. Asgje, sipas tyre, nuk do te ndryshoje pa dale vendimet perkatese mbi rritjen e cmimeve te sherbimeve qe kjo shoqate ofron. "Nga dita e hene, qytetaret e Tiranes do te mund te blejne abonete mujore prane dispecerive", deklaroi Shalesi. Por, pavaresisht kesaj deklarate, Kujtim Hyka, sekretar i Pergjithshem i Shoqates se Transportit Qytetes, deklaroi se abonete per linjat e transportit ne kryeqytet do te dalin ne treg vetem nese qeveria miraton kerkesat e shoqates, nje prej te cilave eshte rritja e tarifes se biletes njeudhetimeshe. Ky ka qene vendimi qe kane marre perfaqesuesit e 11 linjave qe operojne ne Tirane, pas takimit me drejtorin e Transportit Urban ne Bashki, Enton Punavia. Keshtu, deshires se mire te nenekryetarit te Bashkise se Tiranes, shoqata i pergjigjet me mosperfillje. I gjithe problemi, sipas sekretarit Hyka, vjen nga rritja e cmimit te karburantit, rritja e sherbimeve te tjera (servis etj). Pra, sipas tij, rritja e kostos se sherbimeve nga dita ne dite, dhe lenia e cmimit ne po te njejtin nivel si te 4 viteve me pare, po e con drejt falimentimit sherbimin urban.
