Samiti per Kosoven, pa Kosoven

Udheheqesit e 19 vendeve te Evropes Qendrore dhe Lindore, jane mbledhur dje ne qytetin maqedonas te Ohrit, ne Samitin e 15-te qe kete vit organizohet nga Shkupi, nen kujdesin e Presidentit Branko Cervenkovski. "Se bashku per ardhmerine, sfida nga zgjerimi i BE-se", ishte tema per te cilen u diskutua dje, nga 16 presidente ne Samitin e Ohrit. Rumania dhe Italia u perfaqesuan ne nivel ambasadoresh.

SHKUPI

Tre fjalimet e para u mbajten nga Presidenti maqedonas, Cervenkovski, Kryeministri Nikolla Gruevski dhe i ftuari i posacem i samitit, Presidenti turk, Abdullah Gyl. Me pas e moren fjalen te gjithe kryetaret e shteteve te pranishme ne samit. Per sfidat e zgjerimit te BE-se, folen presidentet e Shqiperise, Kroacise, Moldavise, Bullgarise, Cekise, Malit te Zi, Serbise, Austrise, Ukraines, Polonise dhe Bosnje-Hercegovines. Presidentet deklaruan se po tentojne te formulojne ide te reja ne funksion te stabilitetit dhe prosperitetit ekonomik te Ballkanit dhe Evropes.

Presidenti Cervenkovski, si mikprites, tha se rajoni gjate viteve te fundit ka shenuar perparime, por mbeten edhe me tej sfidat e integrimit e te sigurise. "Rajoni ka pasur perparime, por sfidat jane ende te pranishme, nje pjese e shteteve te kesaj nisme ende bejne perpjekje per te qene pjese e NATO-s dhe BE-se, nderkohe qe ka dhe sfida sigurie," tha presidenti maqedonas. Cervenkovski permendi edhe Kosoven, duke thene se per pavaresine e saj ende nuk ka nje qendrim unik ne Evrope. Ai u ndal dhe ne ceshtjen e emrit me Greqine, per te cilen siguroi se vendi i tij "eshte i pergatitur te diskutoje, por jo te pranoje nje zgjidhje te imponuar".

"KOSOVA"

Kosova teme qendrore e Samitit te Ohrit, por pa perfaqesuesin e saj! Paradoksi eshte evidentuar dje nga autoritetet shqiptare te Prishtines. Ata kane evidentuar dje faktin se "Kosova eshte ne qender te bisedimeve te Samitit te lidereve te Evropes Qendrore dhe Juglindore qe filloi ne Oher, megjithese ajo nuk eshte ftuar te marre pjese ne samit". Presidenti i Maqedonise, Branko Cervenkovski, tha se kjo eshte bere ngaqe Kosova ende nuk eshte njohur nga Maqedonia. Cervenkovski u justifikua dhe me pretendimin se vendimi per te ftuar Kosoven ne samit kerkonte konsensusin e te gjitha vendeve pjesemarrese ne samit. Por lideret kosovare kane reaguar ndaj mos fteses, duke thene se "askush nuk mund ta injoroje pavaresine e Kosoves". Lidhur me reagimin kosovar, Cervenkovski siguroi se "Maqedonia eshte e interesuar qe ne fqinjesine e saj te kete stabilitet dhe paqe te qendrueshme".

FAZE E RE

Ne shtepine e perbashket evropiane ka vend per te gjithe ata qe jane te gatshem t´i ndajne vlerat e perbashketa te demokracise dhe pergjegjesise. Me kete apel ishin dakord te gjithe pjesemarresit ne samit. Presidenti i Cekise, Vacllav Klaus, deklaroi hapur se "askush nuk eshte pronar i BE-se dhe per kete shkak askush nuk guxon te krijoje perjashtime nga ky proces". Ne kete pike, Presidenti i Sllovenise, Danillo Tirk, vend kryesues i BE-se, tha se "me asnje cmim nuk do te lejohet qe Ballkani te mbetet vrime e zeze dhe te jete jashte BE-se".

Takimi i presidenteve te Evropes Qendrore eshte i 15-i me radhe. Kur ai filloi si iniciative, atehere shume nga shtetet qe kryesisht i perkisnin bllokut te Lindjes, nuk ishin pjese e BE-se dhe NATO-s. Samiti vazhdon punimet edhe sot, kur pritet te dilet me nje varg konkluzionesh.

Ed.Ku