Berisha: Do kompensojme rritjen e cmimeve

Kryeministri Berisha, nga qyteti i Sarandes, premtoi dje se qeveria do te merrte te gjitha masat per te kompensuar qytetaret shqiptare nga rritja e cmimeve. Keshtu, kreu i ekzekutivit theksoi se do te kompensohen nje per nje pensionistet dhe rrogetaret shqiptare permes rritjes se pages se tyre per rritjen e cmimeve qe ka ndodhur ne vend. Nga ana tjeter, ne qytetin e Sarandes, Kryeministri Berisha premtoi se do te ngrinte nje aeroport nderkombetar ne kete qytet bregdetar, si dhe do te investonte ne cdo rruge per ta kthyer kete qytet ne nje qytet te vertete evropian. Njeheresh ai u shpreh se do dialogonte me Shqiperine permjet projekteve, duke replikuar dhe me kreun e LSI, duke u shprehur se "Meta ka hallin e referendumeve, por le te vije e te beje nje referendum per banoret e bregut. Nuk ka banor ne breg qe nuk do te votonte per kete rruge. Ky eshte referendumi".

Kryeministri Berisha gjate takimit me fermere te komunes Xare, ne Sarande, u shpreh se qeveria do te marre masa per te kompensuar qytetaret shqiptare per rritjen e cmimeve ne treg. Sipas Berishes, kjo zgjidhje do te vinte nepermjet rritjes te pagave dhe jo nepermjet uljes se taksave. "Nuk eshte rruga e zgjidhjes ulja e taksave apo rritja e tyre per importet. Ne do te kompensojme nje per nje pensionistet shqiptare, rrogetaret, personat me ndihme ekonomike, por ne nuk mund te nderhyjme e te marrim masa qe demtojne prodhimin vendas", deklaroi Berisha, per here te pare qe nga "bumi" i cmimeve te produkteve baze. Sipas tij, qeveria nuk heq taksen e miellit apo grurit, sepse ajo eshte e detyruar te mendoje per fermeret shqiptare. Kreu i qeverise theksoi se nese hiqet ajo takse, fermeret do te duhet te ikin te punojne ne vende te tjera dhe kjo nuk mund te lejohet.

Kreu i qeverise, Berisha, gjate takimeve te djeshme, qe zhvilloi ne Sarande, deklaroi se ky qytet bregdetar do te arrije te kape se shpejti standardet e nje qyteti evropian. Keshtu, ne diten e pare te vizites ne kete zone, kreu i qeverise, Berisha, premtoi se ne Sarande do te ngrihej edhe nje aeroport nderkombetar. Madje, Kryeministri theksoi se Ministria e Transporteve po punonte per realizimin e ketij projekti ne menyre qe se shpejti ai te behej realitet. "Aeroporti eshte investimi tjeter per zonen. Ministri i Transporteve ka marre te gjitha lejet nderkombetare qe duhen per shkak te nderthurjes se hapesirave dhe kendeve qe duhej te merreshin ne raport me aeroportin e Korfuzit. Une ju jap fjalen se Saranden do ta bejme me aeroport nderkombetar", deklaroi Berisha, duke shtuar se ky aeroport do t'i jepte nje tjeter hov edhe zhvillimit te turizmit ne kete zone.

Gjate dites se djeshme ne Sarande, Berisha peruroi perfundimin e rikonstruksionit te rruges Sarande-Kanali i Cukes, me gjatesi 7 kilometra dhe vlere 300 milione leke. Sipas Berishes, rruga qe nisi dje punimet eshte nje rruge me rendesi jo vetem kombetare, por edhe nderkombetare, duke e bere rajonin te funksionoje si nje rajon evropian. Kjo rruge sipas Berishes, duke pasur standarde evropiane do te sjelle zhvillim per zonen dhe do te fuqizoje rajonin, duke e lidhur ate me Greqine.

Kryeministri Berisha tha premtoi se brenda vitit 2008 do te perfundojne 120 km rruge ne rrethin e Sarandes, ndersa theksoi se krahasuar me vitin 2004, kur investimet ne kete rreth ishin 11 miliarde leke, sot ato jane rritur ne 89 miliarde. "Brenda vitit 2008 do te mbyllen 120 km rruge ne rrethin e Sarandes. Investimet do t`i perqendrojme ne zhvillimet ne infrastrukture", premtoi Berisha ne fjalen e tij. Ne takimet e djeshme te tij, kreu i qeverise, Berisha, ishte i shoqeruar edhe nga ministri i Transporteve dhe i Puneve Publike, Sokol Olldashi. Nderkohe ai nuk ka munguar te inspektoje ndertimin e segmentit te rruges Qeparo-Sarande qe do lidhe Himaren me kete qytet.