Firmatot false, jo me ne Shqiperi
E Premte, 02 Maj 2008
Kopjimet e firmave te medha te veshjeve, Armani, Versace, Nike qe aktualisht importohen ne tregjet shqiptare nga Kina dhe Turqia, nuk do te mund te kalojne me doganat shqiptare. Qeveria ka miratuar dje nje vendim per mbrojtjen e te drejtave te autorit, duke shtrenguar dispozitat doganore per mallrat "false". Shqiperia e ka si detyrim te mos lejoje kopjet e markave te njohura qe shiten ne vendin tone si rezultat i nenshkrimit te MSA me Bashkimin Evropian. Qeveria nepermjet vendimit te djeshem ka konsideruar false mallrat, perfshire edhe ambalazhimin e tyre, te cilat, pa lejen e mbajtesit te se drejtes, mbajne nje marke tregtare, identike me ate te regjistruar rregullisht per te njejtat lloje mallrash, ose qe ne thelb eshte e padallueshme nga kjo marke, duke cenuar te drejtat e mbajtesit te kesaj marke tregtare, sipas legjislacionit ne fuqi. Po keshtu, mallrat pirate, qe jane mallrat e prodhuara ose qe permbajne kopje, te prodhuara pa pelqimin e mbajtesit te se drejtes se autorit, pavaresisht nese jane regjistruar ose jo sipas legjislacionit kombetar, ose te nje personi te autorizuar nga mbajtesi i se drejtes ne vendin e prodhimit, nese nga prodhimi i ketyre kopjeve cenohet e drejta ne fjale, sipas legjislacionit shqiptar ne fuqi. Qeveria ka percaktuar se mallrat, qe cenojne te drejten e pronesise intelektuale, jane cdo stampe apo matrice e projektuar posacerisht ose qe eshte pershtatur per fabrikimin e nje malli te tille nese nga perdorimi i ketyre modeleve cenohen te drejtat e mbajtesit te se drejtes ne Republiken e Shqiperise. Autori i markes apo dizenjove eshte cdo person, juridik apo fizik, vendas apo i huaj, i cili, ne perputhje me ligjin, eshte mbajtes i nje patente, dizenjoje industriale, marke tregtare, emertimi te origjines, ndonje certifikate mbrojtjeje shtese, te drejte autori ose i ndonje te drejte tjeter te ngjashme. Vetem ndaj ketyre lejohet tregtia e mallrave. B.H.
Nga vijne mallrat pirate
Pikat doganore ne te gjithe vendin, pasi te jene njohur me vendimin e qeverise, nuk do te lejojne me futjen e markave te falsifikuara. Kjo ka ndodhur deri me tani masivisht me tregtine konfeksioneve nga Kina dhe Turqia. Me kete mase, Shqiperia permbush nje nga angazhimet kryesore me BE.
