Han-Benhaker, duel ne Reutligen
E Enjte, 01 Maj 2008
Jeton Selimi
Edhe pse te gjithe ishin qartesuar se miqesorja me Polonine do te behej, fakti qe vete federata polake konfirmon zhvillimin e perballjes me Shqiperine, me 27 maj, natyrisht perben lajm me vete. Sidoqofte, ajo qe eshte me interesante ne kete mes, ka te beje me perplasjen e dy trajnereve holandeze, Ari Han dhe Leo Benhaker, respektivisht trajnere te Shqiperise dhe Polonise. Lajmi i miqesores ka zgjuar interesin e medias holandeze. Sajti voetbalprimeur.nl e cileson perballjen Poloni-Shqiperi, jo vetem nje sfide interesante, por edhe nje "derbi" mjaft terheqes mes Ari Han dhe Leo Benhaker. Sajti shkon me tutje, teksa kembengul ne derbet e tjere qe do ta presin Ari Han, sidomos me Ervin Kuman, qe pak dite me pare ka marre drejtimin e perfaqesueses se Hungarise, ekip i cili se bashku me Portugaline, Suedine, Danimarken dhe Malten formojne grupin e pare kualifikues te zones evropiane per ne finalet e Boterorit Afrika e Jugut 2010. Per ta bere akoma me interesante sfiden, prej dy ditesh, trajneri i Polonise ka publikuar listen me 31 lojtaret e grumbulluar per fazen pergatitore ne prag te Euro 2008. Ndersa per holandezin e kuqezinjve, takimi me Polonine me ne fund do t'i sjelle atij premieren e vertete ne krye te Shqiperise. Pas deshtimeve te dy miqesoreve te para (Arabi Saudite dhe Moldavi), per shkak te pezullimit te Shqiperise nga FIFA e UEFA, Ari Han po pergatitet me shume deshire per kete ndeshje. Ai ka deklaruar se do te kryeje nje zbor disa ditor me 26 lojtare, prej te cileve do te therrase me vete per ne Poloni vetem 22 elemente, ata qe ai do t'i gjykoje si me cilesoret. Por, me pare, holandezi ka zhvilluar nje tur mbare kontinental per te ndjekur nga prane legjionaret shqiptare, prej te cileve ka mbetur me se i kenaqur. Tani eshte momenti qe han te testoje ne nje ndeshje 90 minuteshe ndaj nje kundershtari cilesor te gjithe te "besuarit" e tij.
15.228
Vende ka stadiumi i Reutlingenit "Stadion Kreuzeiche", qytet ku do te zhvillohet miqesorja Poloni-Shqiperi. Reutlingeni eshte nje qytet ne landin e Baden-Vurtembergut qe ka si qender te tij Shtutgartin. Ne kete stadium luan skuadra e qytetit me te njejtin emer, Reutlingen, qe per momentin militon ne ligat inferiore te kampionatit gjerman.
