Blater: Te bashkohemi ne te mire te sportit dhe rinise shqiptare

Nuk ka munguar as urimi i presidentit te FIFA-s, Sep Blater, i cili nuk ka humbur kohe per te pershendetur kreun e FSHF-se, Armand Duka, per heqjen e pezullimit te vendosur me pare nga ky institucion: "Kam kenaqesine t'ju informoj ju, Federaten Shqiptare te Futbollit dhe te gjithe komunitetin e futbollit ne Shqiperi se Komiteti i Emergjences, vendosi sot te heqe pezullimin e vendosur nga Komiteti Ekzekutiv i FIFA-s, ne muajin mars", shkruan presidenti Blater. "Komiteti i Emergjences ne FIFA pasi u informua me rezultatin pozitiv te diskutimeve kater palesh, perbere nga FIFA, UEFA, FSHF dhe nga ana tjeter autoritetet qeveritare Shqiptare, te cilat cuan ne firmosjen e Statutit te ri te FSHF-se, aprovuar ne qershor 2007, nga ana e Ministrit te Sporteve dhe per rrjedhoje edhe regjistrimin ne gjykaten perkatese ne Tirane", thekson ai duke vene gishtin pikerisht te statuti, i cili pas nje beteje disa-vjecare arriti te regjistrohet ne gjykate. Me pas, nje premtim per te gjithe komunitetin shqiptar te futbollit. "Ne emer te FIFA-s dhe ne emrin tim, me lejoni te shpreh shpresen se te gjitha palet ne Shqiperi te interesuara ne futboll, lojtaret, klubet, zyrtaret nen juridiksionin e FSHF-se, autoritetet politike dhe sektori privat se bashku, do te bashkohen pas kesaj krize ne te mire te sportit tone dhe gjithashtu ne te mire te rinise shqiptare", perfundon presidenti Blater.