Gerdeci, fondi i demshperblimit kalon ne llogarite bankare
E Merkure, 30 Prill 2008
Per rreth 1500 shtetas te zones se Gerdecit ka nisur derdhja ne llogarite bankare e demshperblimit te miratuar nga qeveria per demet qe jane krijuar nga shperthimi i Gerdecit. Ministria e Financave njoftoi dje se, deri ne oren 17:00 te dites se premte, me date 25 prill kane kaluar ne llogarite personale te 1500 shtetasve te demtuar nga shperthimi teknologjik i Gerdeci, 844 milione leke. Specialistet e thesarit ne Ministrine e Financave pergatiten listen tjeter prej 409 personash qe perfitojne nje shume prej 135 milione lekesh. Nderkohe ne baze te vendimit te Keshillit te Ministrave jane 3825 persona qe perfitojne ne total nje demshperblim prej 1,559 miliarde leke.
Vlera totale per ndertimin, riparimin e shtepive, per pajisjet dhe zevendesimin e pajisjeve te demtuara, arrin ne rreth 1,6 miliard leke. Rreth 800 milione leke do te merren nga fondi rezerve i Keshillit te Ministrave, rreth 150 milione leke nga ndihmat e dhena per te njejtin qellim per rindertimin dhe pajisjen e shtepive dhe rreth 630 milione leke nga kontigjenca, ka saktesuar Bode. Sipas kreut te Financave, Bode, elementi i dyte qe qeveria merr persiper, eshte pajisja e shtepive qe jane demtuar dhe per kete eshte vendosur nje tarife per fryme, e cila con ne nje trajtim te barabarte. Nderkohe per shtepite e demtuara pjeserisht, vleresimi eshte bere objekt per objekt. Vleresimi dhe kompensimi jane bere me cmimet e sotme te tregut dhe jane dhene parate per te zevendesuar pajisjet e demtuara. Megjithate, fatura e kompensimit te demeve te verifikuara ne Gerdec ka rezultuar shume me e vogel se pergatitjet paraprake te buxhetit.
Opozita: Demshperblimi te mos perfshihen ndihmat
Opozita ka kundershtuar menyren se si qeveria po i administron fondet per kompensimin e demeve te krijuara nga shperthimi i Gerdecit. Ish-ministri i Financave, Arben Malaj, ka thene se ne fondin e kompensimit qeveria nuk duhet te perfshinte ndihmat qe individet dhe organizatat e biznesit kane dhene ne ndihme te banoreve te Gerdecit.
