Inflacioni, Banka ben gati shtrenjtimin e lekut

Keshilli i Mbikeqyrjes se Bankes se Shqiperise pritet qe te merkuren paradite te marre vendimin per rritjen e metejshme te "cmimit" te lekut. Rritja e cmimeve me shume sesa parashikimet do te detyrojne Banken e Shqiperise qe te rrise vleren e lekut edhe pertej nivelit aktual, 6.5 per qind. Me kete mase, Banka e Shqiperise synon te frenoje lekun ne qarkullim, instrument ky qe mban cmimet nen kontroll. Bazuar ne parashikimet e Bankes se Shqiperise, vleresohet se ecuria e cmimeve te konsumit per 12 muajt ne vijim do te jete nen presione rritese. Faktore themelore qe po ndikojne ne rritjen e cmimeve eshte rrija e kredise per ekonomine, kriza energjetike, rritja e cmimeve te energjise elektrike dhe rritjet e cmimeve ne tregjet nderkombetare per naften dhe disa artikuj ushqimore. Por, zyrtaret e Bankes se Shqiperise kane bere te ditur se, frenimi i rritjes se cmimeve nuk varet vetem nga politika e Bankes Qendrore. Banka e Shqiperise edhe per vitin 2008 ka shpallur si objektiv per inflacionin nivelin 3 per qind, me nje mundesi luhatjeje prej ± 1 pike perqindjeje rreth kesaj vlere qendrore. Objektivi per inflacionin eshte shpallur ne dokumentin e politikave monetare per vitin 2008. Arritja dhe ruajtja e stabilitetit te cmimeve nenkupton arritjen e normave te uleta pozitive te inflacionit dhe mbajtjen e tyre per periudha relativisht te gjata kohe. Si matje e inflacionit do te vazhdoje te jete ndryshimi vjetor i indeksit te Cmimeve te Konsumit, matur dhe publikuar nga INSTAT, njoftoi banka. Objektivi i inflacionit eshte i shtrire pergjate periudhes se parashikimit, e cila aktualisht eshte 12 muaj. Percaktimi i mesiperm sasior i stabilitetit te cmimeve reflekton realitetin e ekonomise shqiptare si nje ekonomi ne zhvillim, bejne te ditur ekspertet e Bankes se Shqiperise. Dy vitet e fundit, rritja e cmimeve ne tregjet vendase eshte ndikuar dukshem nga rritja e cmimeve ne tregjet nderkombetare.