Qeveria i kerkon biznesit te rrise pagat
E Premte, 25 Prill 2008
Sektori privat duhet te rrise pagat me ritmet e qeverise. Kerkesen e beri dje ministri i Financave, Ridvan Bode, si nje hap per te kompensuar kete shtrese nga rritja e cmimeve. Ekonomia e qeverise nuk eshte e gjithe shoqeria shqiptare, tha Bode. Ai shpjegoi se qeveria vepron ne dy aspekte, se pari, ne rritjen e pagave per punonjesit buxhetore, te cilet zene rreth 30-40% te punonjesve te deklaruar, ka dhe pensionistet, te cilet perbejne nje numer prej rreth 540 mije persona. Por, eshte nje kategori qe eshte e punesuar ne sektorin privat. Deri me sot, sektori privat ka qene me i paguar, por rezulton qe dy tre- vitet e fundit nuk ka ndjekur te njejtat ritme per rritjen e pagave si sektori publik. "Ajo ulje e madhe e taksave dhe tatimeve qe ka bere qeveria nuk eshte thjesht nje atribut dhe nje dhurate qe u behet pronareve te biznesit, por duhet te perfitoje i gjithe komuniteti, perfshire ketu edhe te punesuarit ne kete sektor", tha ministri Bode. Nje veprim me i kujdesshem dhe me njerezor edhe nga komuniteti i biznesit, nuk do te krijoje diferencat dhe problemet qe mund te shkaktohen ne buxhetet familjare, per shkak te rritjes se cmimeve dhe goditjes qe ka tregu i brendshem, per shkak te presioneve ne tregun nderkombetar. Ndersa nderhyrja qe pritet te beje qeveria per rritjen e pagave dhe pensioneve, pritet te kete nje kosto mujore ne buxhet rreth 1 miliarde leke. Nga ana tjeter, rritja e cmimeve per prodhimet bujqesore do te favorizoje fermeret, per te siguruar me shume te ardhura. Nje pjese e mire e shoqerise shqiptare, e cila merret me aktivitet bujqesor, nuk do kete pasoja nga rritja e cmimeve te mallrave ushqimore, per shkak te natyres vetekonsumatore qe ka prodhimi vendas bujqesor.
