Gjykatat e veriut, dem i pakompensueshem
E Merkure, 23 Prill 2008
Albana Isufi*
Gjykata e Qarkut dhe ajo Komunale ne veri te Mitrovices vazhdojne te jene jashte funksionit, perderisa shume nga punonjesit e ketyre gjykatave kane zhvendosur punen ne objektin e gjykates ne Vushtrri. Kreu i Gjykates se Qarkut, Kapllan Baruti, thote se pasojat e mosfunksionimit ne veri jane te pakompensueshme. Gjykata e Qarkut dhe ajo Komunale ne veri te Mitrovices vazhdojne te mos kryejne funksionin e tyre qe nga 17 shkurti, perkatesisht qe nga shpallja e pavaresise se Kosoves. Ne keto gjykata kane punuar 150 punonjes shqiptare dhe 20 serbe. Shumica nga ta, perkohesisht, sipas kryetarit te Gjykates se Qarkut ne veri te Mitrovices, Kapllan Baruti, kane zhvendosur punen ne objektin e Gjykates Komunale ne Vushtrri. "Per shkak te situates se krijuar pas dates 17 shkurt, kur organet kompetente te UNMIK-ut dhe SHPK-se, duke filluar nga 20 shkurti i ketij viti, ua ndaluan punonjesve te drejtesise ne Mitrovice, transportimin ne vendet e punes ne objektet e tyre, selia e te cileve gjendet ne pjesen veriore te qytetit, eshte vendosur, qe nga te gjitha pese organet e drejtesise, numri i te cileve eshte me i madh se 170 persona te te gjitha nacionaliteteve, te formohet nje ekip i perbashket, me detyre ekskluzive qe sipas nevojes te punojne ne materien penale", tha Baruti.
Kreu i Gjykates se Qarkut, Baruti, thekson se per shkak te rrethanave te reja dhe per shkak te pamundesise se kryerjes se punes, te drejtat e qytetareve jane duke u cenuar. Baruti thote se shumica e procedurave gjyqesore te nisura, kane mbetur ne gjysme, per shkak se dokumentacioni ka mbetur ne gjykatat ne veri te Mitrovices. "Eshte veshtiresuar edhe puna e te gjitha organeve tjera juridike ne rajonin e kesaj gjykate, me pasoja tejet te medha, te renda dhe te paparapara ne aspektin e realizimit te te drejtave dhe lirive te njeriut, te garantuara me konventat nderkombetare dhe legjislacionin vendor. Per shkak se te gjitha shkresat e lendeve gjenden ne objekt, paleve ne procedurat gjyqesore objektivisht u eshte pamundesuar t'i realizojne te drejtat e veta. Mirepo, pasojat jane te pakompensuara, nese, sic jemi te informuar jo zyrtarisht, nga cfaredo arsye jane shkaterruar apo bartur shkresat e lendeve, pajisjet, literaturat profesionale, etj", tha Baruti.
Sakaq ne veri te Mitrovices, prej dy muajsh jane duke protestuar ish-punonjesit serbe te ketyre gjykatave, te cilet kerkojne kthimin ne punen, qe, sipas tyre, kane mbajtur deri ne vitin 1999. Zedhenesi i SHPK-se per Mitrovicen, Besim Hoti, thote se protestat mbahen ne baza ditore. "Cdo dite pune, nga e hena ne te premten, nga ora 7 e 30 deri ne 10 e 30, nje grup prej 30 ose 40 personash, qe konsiderohen te jene ish-punetore te sistemit te mehershem, protestojne para objekteve te gjykatave", tha Hoti. Prokurori publik i qarkut, Milan Bigoviq, ka thene se kerkesa per kthim ne vendet e punes, si dhe bisedimet me pergjegjesit e UNMIK-ut, deri sot nuk kane dhene rezultate. Bigoviq ka theksuar se ish-punonjesit serbe te gjykatave nuk do te heqin dore nga kerkesa e tyre.
Nderkohe, objektet e Gjykates se Qarkut dhe asaj Komunale ende po i ruajne pjesetaret e KFOR-it. Ndertesa e gjykates ne Mitrovice ka qene edhe vendi i trazirave te 17 marsit te ketij viti, gjate te cilave u vra nje polic nderkombetar dhe u lenduan dhjetera te tjere. Deri tani, askush nuk eshte arrestuar per keto trazira.
(*) Publiciste, Prishtine
