“Kriza e cmimeve, reforma ne bujqesi”
E Merkure, 23 Prill 2008
Guvernatori i Bankes se Shqiperise, Ardian Fullani, i terhoqi vemendje politikes per te ndermarre reforma strukturore ne bujqesi, me qellim qe te ulen sa me shume efektet negative qe vijne nga kriza e ushqimit qe ka perfshire gjithe boten dhe qe per vende si Shqiperia ndikojne ne rritjen e varferise. Duke shfrytezuar raportimin parlamentar per vitin 2007, Fullani tha se duhet rritur siperfaqja e tokes se mbjelle, dhe kjo arrihet, sipas tij, duke zhvilluar tregun e tokes. “Merr nje rendesi te dores se pare shfrytezimi racional i tokes bujqesore, duke filluar me siperfaqe te mbjella. Eshte nje teresi reformash strukturore, te cilat fillojne qe nga titulli, regjistrimi hipotekat, kolaterali dhe njekohesisht nje seri rregullimesh, qe duhen bere ne sistemin e bujqesise per ta bere ate sa me kredibel”, deklaroi Fullani. Bujqesia eshte sektori me i madh i ekonomise sone dhe perben 23 per qind te prodhimit te brendshem bruto. Megjithate, rritja vjetore ka qene mjaft e ulet per te, vetem 2 per qind, nga 6 qe eshte rritja e te gjithe ekonomise. "Banka Shqiptare do te mbaje me cdo kusht inflacionin nen kontroll, duke bere te gjitha perpjekjet e saj", u shpreh guvernatori Fullani. Per sa u perket zhvillimeve te 2007, Fullani tha se rritja e ekonomike ka qene e qendrueshme. Norma vjetore e inflacionit ishte 2,9 per qind, brenda kufijve te bankes. Investimet e huaja jane rritur me 6 per qind, ndersa deficiti buxhetor regjistroi 3,4 per qind. Ne vendin tone, rritja e cmimeve eshte ne vijimesine e nje viti me pare, ku si rezultat i rritjes se cmimeve per dritherat, naften dhe vajin ne tregjet nderkombetare mori goditje edhe tregu vendas. Si pasoje e kesaj situate ka pesuar rritje, jo vetem mielli dhe nenproduktet e tij, por edhe te gjithe mallrat e shportes, duke filluar me vajin dhe duke perfunduar me mishin. Banka e Shqiperise pak kohe me pare publikoi nje studim, sipas te cilit cmimet e mallrave te importit kane thyer rekordet historike qe kur Shqiperia liberalizoi tregtine me jashte, duke u rritur ne vitin e fundit plot 8 per qind. Nderkohe qe rritja mesatare e cmimeve te mallrave te importit ne vitet 2001-2006 ishte 1,2 per qind.
