Financat: Tatimoret abuzuan me urdhrin per gazetat

Tatimoret kane abuzuar me udhezimin e Ministrise se Financave per numrin e te punesuarve ne gazeta. Reagimi zyrtar ka ardhur nga Ministria e Financave dje pas shqetesimit te verejtur ne shoqatat e gazetareve. "Jemi njohur me shqetesimin e disa mediave te shkruara kohet e fundit lidhur. Ministria e Financave deshiron te sqaroje se ky urdher percakton thjesht nje metodologji dhe reference pune per organet tatimore. Ai nuk perben akt nenligjor dhe nuk publikohet ne Fletoren Zyrtare, por eshte thjesht nje komunikim administrativ i ministrit te Financave, sipas kompetencave qe i jep Kushtetuta", thuhet ne reagimin e Financave. Te njejtat burime sqarojne se, kushdo nga organet tatimore qe ka nxjerre apo perdorur kete urdher si presion ndaj medias, do te verifikohet dhe ngarkohet me pergjegjesine e duhur ligjore. Urdhri i Bodes percaktonte qe ne gazetat me 32 faqe numri i te punesuarve eshte 30 persona dhe ne gazetat me 32 faqe ky numer ishte 40 persona. Ministria e Financave thekson se hartimi i tekstit te ketij urdhri eshte bere ne baze te konsultimeve te gjera me grupet e interesit te fushes se masmedias si shoqata profesionale te gazetareve, me kryeredaktore te gazetave me tirazh me te larte ne vend, si dhe duke hulumtuar ne faqet e website-ve te disa mediave ne vend. Ne baze te ketyre diskutimeve dhe verifikimeve, ka rezultuar se per disa media te caktuara ka diferenca te theksuara ne numrin e te punesuarve dhe te deklaruarve per efekte te pagimit te kontributeve shoqerore dhe shendetesore.