Kasat, garen e fitojne 5 kompani

Blerina Hoxha

Kompanite qe do te instalojne pajisjet fiskale per matjen e sakte te xhirove te biznesit jane perzgjedhur nga Ministria e Financave. Pese kompani, mes te cilave dhe shqiptare, jane kualifikuar nga Komisioni i Vleresimit te Ofertave te Ministrise se Financave, per te pajisur me kasa fiskale 12 mije biznese te medha dhe rreth 70 mije biznese te vogla. Shoqerite e perzgjedhura jane, A.E.Distribution Sh.p.k, I.V.A. Elektronik Sh.p.k, BNT Elektronic Sh.p.k, CKV-NOKI-KASSENYSYSTEME- CASIO, Rilindja sh.p.k". Ministri i Financave, Ridvan Bode, pak dite me pare u shpreh se "kompanite e ofruara vleresohen te jene me eksperience pozitive ne vendet e tjera dhe zbatimi i projektit te kasave, sipas nje programi gradual dhe te sigurt, do te mund te startoje brenda muajit prill per t'u shtrire pastaj ne menyre graduale". Deri ne fund te ketij viti parashikohet qe i gjithe biznesi ne vendin tone te pajiset me kasat fiskale. Fillimisht do te behet e mundur pajisja me kasa fiskale e biznesit te madh ne qytetet kryesore Tirane dhe Durres dhe pasi te kete perfunduar procesi per biznesin e madh, do te filloje edhe pajisja me kasa fiskale e biznesit te vogel. Eksperte te financave sqarojne se pajisja me kasa fiskale do te funksionoje normalisht, pavaresisht pretendimeve te biznesit se ka probleme ne furnizimin me energji elektrike. Gjate periudhes kur nuk ka energji elektrike, biznesi do te perdore metodat alternative si faturat e dores, apo alternativa te tjera dhe ne rastet kur gjate kontrollit do te gjenden parregullsi atehere do te kete penalizime per biznesin. Tatimpaguesit, te cilet shesin mallra, prodhime, apo kryejne furnizime te sherbimeve ne lokale apo njesi te hapura per publikun, per te cilat pagesat nuk kryhen nepermjet bankes, jane te detyruar te perdorin pajisje fiskale per regjistrimin e pagesave me para ne dore dhe te leshojne, ne menyre te detyrueshme, kuponin tatimor. Biznesi i vogel detyrohet qe brenda 6-mujorit te dyte te 2008, te mbajne regjistrimet per mallrat e shitura nepermjet pajisjeve fiskale, kasa. Per kete qellim qeveria ka miratuar nje vendim te posacem. Bizneset qe ushtrojne veprimtari ne bashkite e: Tiranes, Durresit, Vlores, Gjirokastres, Fierit, Lushnjes, Beratit, Sarandes, Korces, Pogradecit, Elbasanit, Shkodres e Lezhes, duhet perdorin kasen regjistruese kete vit. Po brenda ketij viti, jane te detyruar te mbajne regjistrime, nepermjet pajisjeve fiskale, edhe tatimpaguesit e biznesit te vogel ne komunat: Shengjin, Golem, Rashbull, Orikum, Himare dhe Ksamil. Qeveria ka percaktuar si afat te fundit per pajisjen me kasen regjistruese per biznesin e vogel ne te gjithe vendin qershorin e 2009. Vendimi i qeverise perjashton nga perdorimi i pajisjeve fiskale sipas kerkesave te ketij vendimi, profesionet e lira, ambulantet dhe sherbimi i transportit. Rregullat dhe procedurat e instalimit dhe te perdorimit te pajisjeve fiskale jane njesoj te aplikueshme si per tatimpaguesit e regjistruar per TVSH-ne dhe tatimin mbi fitimin ashtu edhe per tatimpaguesit e biznesit te vogel. Te pajisjet fiskale perfshihen regjistrues te dhenash fiskale elektronike me memorie fiskale, te cilat jane pajisje per regjistrimin e te dhenave per vleren e mallrave te shitura dhe sherbimeve te kryera per klientet.