Bixhozi, menyre e re kontrolli
E Enjte, 17 Prill 2008
Blerina Hoxha
Lojerat e fatit, te konsideruara si biznese problematike per pagesen e taksave, tani do te mbikeqyren nga njesi e posacme. Keshilli i Ministrave ka vendosur ne mbledhjen e djeshme krijimin e Njesise se Mbikeqyrjes se Lojerave te Fatit (NJMLF), me statusin e personit juridik, publik, ne varesi te ministrit pergjegjes per ekonomine, me seli ne Tirane. Sipas burimeve zyrtare te Keshillit te Ministrave, NJMLF-ja ka objekt veprimtarie mbikeqyrjen dhe ushtrimin e kontrollit per zbatimin e ligjshmerise nga subjektet e licencuara, ne fushen e lojerave te fatit, kazinote dhe hipodromet, ne mbeshtetje te ligjit per lojerat e fatit, kazinote dhe hipodromet. Sipas ketij vendimi, NJMLF-ja, mbikeqyr dhe kontrollon veprimtarine e subjekteve te licencuara per luajtjen e lojerave elektronike, lotarise kombetare dhe lojerave aritmetike, brenda dhe jashte sallave, ne te gjithe territorin e vendit, per menyren e ushtrimit te veprimtarise e per organizimin e lojerave, ne perputhje me percaktimet e bera ne licence, me legjislacionin per lojerat e fatit. Po keshtu, autoriteti mbikeqyres kontrollin luajtjen e lojes ne perputhje me rregulloren dhe standardin e biletes, te miratuar nga ministri pergjegjes per ekonomine, certifikimin e pajisjeve si dhe origjinen dhe kohen e perdorimit te tyre.
Njesise se Mbikeqyrjes se Lojerave te Fatit mbikeqyr dhe kontrollon veprimtarine e subjekteve te licencuara ne kategorite "konkurse per parashikime sportive", "baste" dhe "garat sportive, qe zhvillohen ne hipodrom", ne te gjithe territorin e vendit, per menyren e ushtrimit te veprimtarise. Qeveria vendosi gjithashtu qe Ministrise se Ekonomise, Tregtise dhe Energjetikes, ne buxhetin e miratuar per vitin 2008, do t'i shtohet fondi prej 10 milione lekesh, per llogari te funksionimit te Njesise se Mbikeqyrjes se Lojerave te Fatit, i cili te perballohet nga fondi rezerve i Keshillit te Ministrave. Ky fond perbehet nga shpenzime koherente, ne shumen 8800000 leke dhe shpenzime kapitale, ne shumen 1200000 leke. Ne baze te vendimit te qeverise, NJMLF ka vulen dhe stemen e vet, ne perputhje me vendimin e Keshillit te Ministrave, "Per menyren e perdorimit te stemes se Republikes, si dhe raportin e permasave te saj". Lojerat e fatit, sipas ligjit, konsiderohen lojerat me te cilat pjesemarresve u jepet mundesia e fitimit ne para, sende apo te drejta me ate qe rezultati i fundit i lojes nuk varet nga dija apo mjeshteria e pjesemarresit ne loje, por nga rasti apo situata e pasigurt. Aktualisht, ministri i Financave, me propozimin e Komitetit te Lojerave te Fatit, ben riperteritjen e lejeve, per afate pesevjecare, me te njejtat kushte. Pagesa per lejet e riperterira jane sa gjysma e shumes fillestare dhene per lejen. Organizatori i lojes se fatit duhet te beje kerkese, prane Komitetit te Lojerave te Fatit, per riperteritjen e lejes, te pakten 6 muaj perpara mbarimit te afatit te lejes se dhene.
Lojerat e fatit, rregullat ndryshojne cdo vit
Aktivitet e lojerave te fatit jane perfshire keto vitet e fundit me nje mori ndryshimesh ligjore, te cilat me se shumti kane te bejne me menyren e mbikeqyrjes se ketyre aktiviteteve. Aktualisht eshte Komiteti i Lojerave te Fatit, ai qe shqyrton lejet dhe menyren e organizimit te aktiviteteve te lojerave te fatit. Keto linja vazhdojne te jene problematike, jo vetem ne problemet sociale qe krijojne, por edhe ne arketimin e te ardhurave per buxhetin e shtetit.
