Aksionet, tregu teresisht informal
E Marte, 15 Prill 2008
Tregu i letrave me vlere te aksioneve vazhdon te mbetet ende i pazhvilluar dhe i kufizuar kryesisht ne tregun informal te aksioneve te kompanive te regjistruara prane Qendres se Regjistrimit te Aksioneve. Kryetare e Autoritetit te Mbikeqyrjes Financiare, Elizabeta Gjoni, beri te ditur te henen, ne Komisionin parlamentar te Ekonomise, se tregu i letrave me vlere vazhdon te dominohet nga tregtimi ne tregun primar dhe ate sekondar te instrumenteve te borxhit te qeverise, bono thesari dhe obligacione, ndersa tregu i letrave me vlere te aksioneve mbetet ende i pazhvilluar. Tregu u kapitaleve ne vendin tone perfaqesohet nga Bursa e Tiranes. Bota e zhvilluar ka me shume se 13 shekuj qe perdor tregun e kapitaleve (bursen), per financimin e sipermarrjeve, ndersa ambienti ekonomik vendas ende ka te paqarta konceptet rreth kesaj linje te tregut financiar. Miliona aksione po shiten ne tregun e zi te kapitaleve, nderkohe i vetmi institucion ligjor qe ka lejen per te tregtuar kapitalet, "Bursa e Tiranes" nuk po mund t'i kanalizoje keto transaksione ne rruge ligjore. Arsyet e mosrealizimit te nje tregu aksionesh, ku kompanite te mund te financohen, duke shitur kapitalet e tyre, lidhen me se shumti me mungesen e vullnetit politik te qeverive dhe mosinformimit te biznesit per sherbimet qe ofron tregu i kapitaleve.
