Kompanite e sigurimeve abuzojne me shlyerjen e demeve
E Marte, 15 Prill 2008
Spekulimet e kompanive te sigurimit ne lidhje me pagesat e demeve ndaj klienteve jane ngritur si probleme edhe para deputeteve. Kryetare e Autoritetit te Mbikeqyrjes Financiare, Elizabeta Gjoni, u shpreh ne mbledhjen e Komisionit parlamentar te Ekonomise se, nga mbikeqyrja e treguesve financiare te kompanive te sigurimit rezulton nje perkeqesim i raportit deme/prime, krahasuar jo vetem me normat evropiane, por edhe me nivelin e vitit 2006. Sipas saj, raporti deme/prime i kompanive te sigurimit gjate vitit 2007 rezulton ne nivel negativ. Sipas kryetares se AMF-se, per vitin 2007 raporti deme/prime ishte ne nivelin 21,1% per tregun, kur standardi minimal nderkombetar eshte 50%. Gjoni u shpreh se, ky nivel shenon ulje prej 40% edhe nga niveli i vitit 2006. Ajo tha se, po hartohet nje projektligj i ri per sigurimet e detyrueshme, qe synon permiresimin e infrastruktures dhe liberalizimin gradual te cmimeve te mbeshtetur nga forcimi i kontrollit financiar te operatoreve. Gjoni u shpreh se ne baze te te dhenave edhe raporti i shpenzimeve vazhdon te mbetet ne nivele te larta negative prej 57,31%, krahasuar me 56,34 % ne vitin 2006. "Keta dy tregues duhen pare me vemendje te vecante ne menyre qe te ruhet efikasiteti i kompanive, si dhe te shmangen problemet ne treg", tha ajo. Ne fund te vitit 2008, shoqerive te sherbimeve financiare do t'u duhet te raportojne pasqyrat financiare sipas standardeve nderkombetare te raportimit financiar", theksoi Gjoni.
Mirepo, sipas nje projektligji, qe ka pergatitur per kete qellim Autoriteti i Mbikeqyrjes Financiare, kompanite e sigurimeve nuk do te vleresojne me demet ndaj klienteve.
Per vleresimin e demeve do te licencohen subjekte te posacme, te cilat pritet te permiresojne vleresimin e demit ne rast rreziku. Aktualisht vleresimin e bejne vete kompanite e sigurimeve dhe per shkak te kesaj situate lindin konflikte ndermjet klienteve dhe kompanive, qe shpesh duhet te zgjidhen ne rruge gjyqesore. AMF po fokusohet ne tendencat e tregut lidhur me sherbimin ndaj polic-mbajtesve gjate procesit te pageses se demeve. Rritja e ndergjegjesimit te konsumatorit ne menyre qe te mbrohen interesat e konsumatoreve eshte nje prioritet per AMF-ne. Kjo e fundit njofton se do te shqyrtoje me kujdes ankesat e polic-mbajtesve megjithese nxitja e padive civile te ngritura nga polic-mbajtesit i eshte lene gjykatave. Meqenese dy te tretat e tregut te sigurimeve eshte i perbere nga sigurimi motorik i detyrueshem, AMF ka krijuar nje grup pune per hartimin e nje udhezimi mbi perllogaritjen e kerkese-pagesave, qe lindin si rrjedhoje e kontratave te pergjegjesise se paleve te treta. Nderkohe, deputetet kerkuan rritjen e rolit te AMF-se per shtrirjen e veprimtarise siguruese ne sektoret e ndertimit, karburanteve, minierave dhe hotelerise. Ne pergjigje te kesaj kerkese, Gjoni tha se eshte bashkepunuar me institucionet perkatese per nxitjen e produkteve te sigurimeve qe mbrojne ne mase te konsiderueshme interesat e publikut dhe te te punesuarve nga rreziqet qe mbart ushtrimi i aktiviteteve ne sektoret e siperpermendur. "Promovimi brenda vitit 2008 i ketyre produkteve do te sjelle njekohesisht edhe permiresimin e struktures se tregut te sigurimeve", tha kryetarja e AMF-se, Elizabeta Gjoni. Me gjithe perpjekjet per te zgjeruar gamen e sherbimeve ne lemin e sektorit te sigurimeve, ambienti ne pergjithesi eshte ende i painformuar nga perfitimet dhe deri tani eshte i orientuar vetem ne sigurimet e detyrueshme, kryesisht te mjeteve motorike. Prandaj, Autoriteti i Mbikeqyrjes Financiare eshte duke hartuar nje projektligj te ri, qe synon zgjerimin e games se sigurimeve te detyrueshme, i cili pritet te hyje ne fuqi kete vit. Nocioni siguracion ne shoqerine tone njihet vetem per makinen. Rrallekush e di se sigurohet jeta, shtepia, pasuria, shendeti etj.
