Pensionet private, se shpejti me kuader te ri ligjor
E Marte, 15 Prill 2008
Se shpejti pensionet private do te funksionojne sipas nje kuadri te ri ligjor. Autoriteti i Mbikeqyrjes Financiare (AMF), po punon per hartimin e nje projektligji te ri per pensionet, i cili do t'i pershtatet nevojave te kohes, pasi ai ekzistues eshte hartuar qe ne vitin 1995. Dje, Elisabeta Gjoni, kryetare e AMF-se, deklaroi gjate diskutimit te raportit vjetor ne Komisionin parlamentar te Ekonomise dhe Financave, se po punohet per hartimin e nje projektligji te ri te pensioneve, si dhe jane miratuar rregulla per raportimin e kompanive ekzistuese ne treg, pasi ligji aktual eshte hartuar qe ne vitin 1995 dhe paraqet mangesi. "Rregullimi i aktivitetit te pensioneve eshte i nje rendesie te vecante, nisur nga kohezgjatja e pergjegjesive te marra dhe niveli i larte i ekspertizes qe nevojitet per te menaxhuar kete aktivitet", deklaroi ajo. Sipas saj, ligji i ri do te krijoje hapesirat per zgjerimin e tregut ne permbushje edhe te angazhimeve te qeverise shqiptare ndaj Fondit Monetar Nderkombetar, per ngritjen e nje sektori cilesor e aktiv te pensioneve private suplementare.
