Matura, vendoset si do korrigjohen testet

Sonila Isaku

Ministra e Arsimit ka percaktuar kater shkollat ne te cilat do te behet korrigjimi i testeve te Matures Shteterore per kete vit. Ne ndryshim nga viti i kaluar kur te gjitha provimet u kontrolluan vetem ne kryeqytet, kete vit fletet e testeve do te kontrollohen ne kater qytete te ndryshme. Ne Tirane do te jete shkolla "Sabaudin Gabrani", ajo qe do te kthehet ne nje qender te rendesise se vecante, ndersa ne Elbasan shkolla "Qemal Stafa". Gjithashtu per te realizuar kete proces ne Shkoder do te jete shkolla "Jordan Misja", ndersa ne Fier do te perdoren ambientet e Drejtorise Arsimore Rajonale. Sipas rregullores, te katerta keto Drejtori Arsimore ne rrethe duhet te sigurojne kushtet e pershtatshme dhe izolimin e plote te ambienteve dhe te mesuesve korrigjues. Keta te fundit nuk do te kene asnje mundesi komunikimi me boten jashte qendres se korrigjimit te testeve, ndersa do te jene nen vezhgimin e policise gjate 24 oreve.

Masat e sigurise dhe pershtatja e ambienteve ne menyre qe te ndalohet komunikimi i kontrolloreve dhe administratoreve, kane qene nje nga piket kryesore te percaktimit te shkollave. Sipas procedurave te percaktuara, testet e provimeve do te shoqerohen nga forca policore, nderkohe qe keto te fundit do te jene te pranishme ne cdo kohe deri ne fund te perfundimit te korrigjimit te testeve. "Drejtorite Arsimore Rajonale ne Tirane, Elbasan, Shkoder, Fier do te duhet te marrin masa per lirimin e mjediseve te korrigjimit ne godinat e siperpermendura. Si dhe kane per detyre ruajtjen e tyre me sherbim 24-oresh me polici ose roje civile gjate periudhes se korrigjimit te provimeve nga 10 qershor-25 korrik 2008", thuhet ne njoftimin e djeshem per shtyp te Ministrise se Arsimit. Sipas kesaj te fundit, pas percaktimit te ambienteve duhet te sigurohet edhe izolimi i tyre nga ndonje ambient tjeter perreth. Po keshtu, edhe vleresuesit e testeve do te punojne ne menyre te izoluar dhe nuk do te lejohen te flasin me askend.

Rregullat e percaktuara nga Ministria e Arsimit nuk lejojne asnje nga qendrat e korrigjimit qe te kontrollojne testet e qyteteve te veta. "Menyra se si do te perzgjidhen testet per t'u vleresuar do te jete e rastesishme dhe me short dhe do te vendoset nga AVA. Per shembull, testet e rrethit Fier nuk do te korrigjohen ne qendren e vleresimit te Fierit", thuhet ne njoftimin per shtyp te Ministrise se Arsimit. Sipas ketij institucioni do te jene specialiste te vecante, te cilet do te specializohen per nje periudhe te gjate kohe, dhe me pas ata qe jane me te afte per te kryer kete pune do te certifikohen. Nderkohe, pervec ketyre kontrolluesve te testeve, cdo qender korrigjimi do te kete edhe dy specialiste per drejtimin teknik te korrigjimit. Sipas procedurave te percaktuara, keta specialiste, te cilet "do te japin urdhrat" per menyren e korrigjimit te testeve do te perzgjidhen dhe do te trajnohen ne periudhen 15 prill-1 qershor. Trajnimi i tyre do te jete i njejte ne menyre qe edhe korrigjimi i testeve te behet i njetrajtshem per te gjithe maturantet.

Kete vit, 40 administratore me shume

Ministria e Arsimit ka menduar qe per kete vit te jene 40 administratore me shume per korrigjimin e testeve te provimeve te Matures Shteterore. Kjo per vete faktin e shperndarjes se tyre ne kater qytete te ndryshme te vendit. Por nje tjeter arsye ka qene edhe afatet. Nese numri i administratoreve qe do te kontrollojne eshte me i madh, atehere edhe pergjigjet e rezultateve te provimeve do te jene ne dore te nxenesve dhe maturanteve me shpejt. Sipas Ministrise se Arsimit, ne kete proces do te angazhohen 30-40 vleresues me shume se vitet e meparshme, por ashtu si me pare, vleresuesit do te vijne nga Tirana dhe nga rrethet e vendit.

Policia, garant i testeve te provimeve

Testet e Matures Shteterore, te cilet do te kontrollohen ne rrethe te ndryshme, do te shoqerohen me police. Kjo per te mos lejuar asnje menyre abuzimi me to. Pervec transportit, policia duhet te jete e pranishme edhe ne ambientet ku ato do te kontrollohen. Sipas rregullores se percaktuar, duhet te jene Drejtorite Arsimore te ketyre rretheve, ato qe duhet te sigurojne polici private apo shteterore per mbarevajtjen e procesit te korrigjimit te testeve. Forcat policore do te mbikeqyrin edhe korrigjuesit dhe vleresuesit e testeve, duke mos i lejuar te dalin jashte ketyre ambienteve