Ndertuesit ndotes, gjoba deri ne 200 mije leke
E Shtune, 12 Prill 2008
Firmat e ndertimit te cilat nuk do te plotesojne kushtet per mosndotjen e mjedisit do te marrin gjoba te majme. Nje gje e tille eshte legjitimuar dje ne mbledhjen e Keshillit Bashkiak te Tiranes. Keshtu, gjobat do te variojne nga 50 mije leke deri ne 200 mije leke. Per vlerat e gjobave ka pasur kundershtime vetem nga anetare, te cilet kane lidhje me biznesin e ndertimit. Sipas vendimit te djeshem, inspektoret e mjedisit do te kene te drejte te gjobitin ne rast se nuk plotesojne kushtet qe kane te bejne me pastertine e mjedisit. Me konkretisht, firmat e ndertimit qe nuk pajisen me mjete funksionale, si: pompa uji apo lavazhe ne dalje te kantierit te ndertimit, te cilat sherbejne per larjet e gomave te makinave do te gjobiten me 100 mije leke. Ne rast se ndonje firme e kryen kete shkelje ne menyre te perseritur atehere gjobitet me dyfishin e vleres, 200 mije leke. Ne rastet e tjera, kur mjedisi ndotet per shkak te moslarjes se gomave te makinave te tonazheve te ndryshme te cilat dalin nga kantieri i ndertimit, gjobat jane po kaq. Gjithashtu, gjoba ne vlera te medha parashikohen edhe ne rastet kur firmat e ndertimit ndotin ambientin me materiale inerte. Sanksioni do te zbatohet duke llogaritur siperfaqen e ndotur ne metra katrore. Ne rastet kur kamionet te cilat transportojne materiale ndertimore, jane te pambuluar, atehere gjoba do te jete 100 mije leke. Gjithashtu, mosrespektimi i kushteve brenda kantierit te ndertimit per zbritjen e mbeturinave ndertimore nepermjet vendosjes se tubave te posacem nga katet e mesiperme, duke u hedhur me pas ne kantierin e grumbullimit te mbeturinave ndertimore, ndeshkohet me 100 mije leke gjobe. Ne rast se ndonje firme e kryen kete shkelje ne menyre te perseritur atehere gjobitet me dyfishin e vleres, 200 mije leke. Gjoba me po te njejten vlere do te vendoset edhe ne rastet kur firmat e ndertimit nuk zbatojne rregullin e te vendosurit te rrjetave mbrojtese ne objekt per evitimin e ndotjes nga pluhurat ne mjedis dhe per respektimin e sigurise teknike ne objekt. Pra, firmat qe nuk e bejne nje gje te tille do te gjobiten me 100 mije leke.
