Tatimet online, i paguajne 258 biznese te medhenj
E Shtune, 12 Prill 2008
Biznesi i madh gjithnje e me shume po i deklaron taksat dhe tatimet ne menyre elektronike. Ne nje takim me perfaqesuesit e medhenj te biznesit, drejtori i Pergjithshem i Tatimeve, Arben Sefgjini, informoi se kane perfunduar procesin e regjistrimit elektronik 258 tatimpagues te deges se tatimpaguesve te medhenj. Gjate muajit mars 2008, kane deklaruar ne menyre elektronike sipas llojit te tatimit, per TVSH-ne 100 tatimpagues, per kontributet e sigurimeve shoqerore dhe shendetesore 87 tatimpagues, per tatimin mbi te ardhurat personale 90 tatimpagues, per tatimin mbi fitimin 40 tatimpagues. Ne synojme te kemi nje administrate tatimore te paster dhe te minimizojme kontaktet mes tatimpaguesve dhe zyrtareve tatimore, per te mos krijuar mundesi per tundime dhe per te eliminuar problemet qe lindin si per ju dhe per ne, u shpreh ne takim Sefgjini. Per te gjithe tatimpaguesit e regjistruar prane degeve te tatimeve Tirane, Durres, Elbasan, Vlore, Korce, Fier, Lezhe, Shkoder, Berat dhe Lushnje, tashme mundesohet shkarkimi i formulareve te deklarimit dhe pageses se TVSH-se, Tatimit mbi te Ardhurat nga Punesimi dhe Kontributeve te Sigurimeve Shoqerore dhe Shendetesore, online, tha Sefgjini. Nderkohe biznesi vleresoi pozitive sherbimin e deklarimit elektronik te ofruar nga administrata tatimore, duke e konsideruar nje hap te avancuar. Perfaqesues te biznesit kerkuan gjithashtu permiresimin e sherbimit te internetit per pagimin online te tatimeve. Nje tjeter problem i ngritur nga biznesi, ishte dhe ofrimi i pagesave online edhe ne bankat e nivelit te dyte qe operojne ne vendin tone. Sipas tyre, nga 19 banka qe operojne ne vend, vetem 3 prej tyre ofrojne pagesen e deklarimit elektronik. Krahasuar me programin te ardhurat tatimore jane rritur ndjeshem ne masen 109 per qind ose rreth 2.9 miliarde leke me shume se niveli i programuar, gjate tremujorit te pare te vitit, me nje rritje rreth 24 per qind ne krahasim me tremujorin e pare te 2007.
