Kthimi i prones, ky problem ende i pazgjidhur
E Merkure, 09 Prill 2008
Nente vite pas luftes, kthimi i prones ende vazhdon te jete problem akut ne Kosove. Zyrtaret e AKP-se, OSBE-se dhe te Ombudspersonit (Avokati i Popullit) organizuan per kete argument dje, nje debat ne Cagllavice me temen "Uzurpimi i pasurise ne Kosove". Ata pohuan se shumica e rasteve jane perfunduar nga AKP-ja, duke theksuar si pengese kryesore te zbatimit te ketij procesi, mos qasjen direkt ne dokumentet origjinale, te cilat ndodhen ne Serbi.
Lars Ollsen, ndihmesdrejtor ne Agjencine Kosovare te Pronave, tha se ne dy vitet e fundit, prej fillimit te punes se agjencise, tashme jane zgjidhur rreth 11 mije raste, kjo do te thote se rreth 45 per qind e tyre tashme jane zbatuar. Kerkesa te pronesise ka ne te gjitha pjeset e Kosoves, por 50 per qind e tyre jane te koncentruara ne 5 komunat, ne Istog, Kline, Peje, Prizren dhe Ferizaj. Zgjidhja e ketyre kerkesave u takon ketyre komunave, te cilave u nevojitet nje bashkepunimit me i madh ne ofrimin dhe verifikimit te te dhenave. "Ne jemi agjenci kredibile dhe kjo nuk diskutohet. Tashme i kemi zgjidhur 28 mije raste ne mandatin e vjeter dhe 5 mije kerkesa ne mandatin e ri, ndersa kemi me shume se 2 mije kerkesa te personave te zhvendosur", tha Ollsen.
Ne dy vitet e ardhshme, AKP-ja thote se do te punoje per zgjidhjen e rasteve tjera, ne menyre qe ne vitin 2010, dokumentet t'ia dorezoje Drejtorise per Kadastra te Kosoves. Ndersa, perfaqesuesi i OSBE-se, Jose Arraiza, ceku rendesine e nje strategjie te pergjithshme per kthimin. Sipas tij, kjo do te ndikoje qe njerezit me keto halle te dine ku te orientohen per zgjidhjen e problemeve te tyre personale, por ndikon edhe ne sigurine e tyre rreth kthimit.
