Drejtoret e shkollave, tani vetem me licence

Tashme te gjithe ata mesues qe deshirojne te behen drejtues ne shkolla, do ta arrijne kete vetem pasi te pajisen me licenca. Sipas nje projekti te propozuar nga Banka Boterore dhe qe eshte duke u zbatuar nga Ministria e Arsimit, drejtuesit e shkollave tashme do te licencohen per te fituar kete vend pune. Por, drejtori i shkolles nuk mund te behet dot i tille pa qene mesues dhe me pas nendrejtor. Projekti eshte propozuar pak kohe me pare nga Banka Boterore, nderkohe qe drafti i tij eshte perfunduar tashme nga MASH. Kriteret e reja per t'u bere drejtor shkolle parashikojne nje sere shkallesh te karrieres qe duhet te ngjise drejtori. Shkallet neper te cilat duhet te kaloje nje kandidat per drejtor si dhe menyra se si ai do te vleresohet jepen ne draftin qe MASH sapo ka perfunduar se hartuari. Ky draft parashikon qe nje person i cili nuk ka punuar si mesues apo nendrejtor nuk mund te ngjise direkt shkallet e karrieres.

Pas dhenies se konkurseve dhe marrjes se pikeve te percaktuara per nje periudhe 2 vjecare kandidati do te kete mundesine te behet drejtor. Licenca qe fitohet nga keto konkurse njihet per nje periudhe 8 vjecare dhe me pas ajo duhet te riperterihet . "Qe te licencohet nje drejtues shkolle duhet t'i nenshtrohet trajnimeve pa shkeputje nga puna per rreth 2 vjet. Keto trajnime do te realizohen ne trajten e moduleve dhe synojne pervetesimin e njohurive teorike dhe zoterimin e shprehive praktike. Kandidati per drejtues shkolle i nenshtrohet provimeve per secilin modul dhe nje provim perfundimtar", thuhet ne draftin e pergatitur nga Ministra e Arsimit. Sipas ketij drafti pjesemarresi ne provim duhet te grumbulloje nje numer minimal pikesh (9 kreditesh) per secilin modul dhe ne provimin perfundimtar. Sigurimi i pikeve i jep kandidatit per drejtues shkolle licencen e nendrejtorit te shkolles. Ndersa licenca e drejtorit do te jepet pas marrjes se licences se nendrejtorit dhe pas ushtrimit te kesaj praktike profesionale per nje vit.

Kandidatet te cilet do te konkurrojne per postet drejtuese te shkollave dhe marrjen e licences duhet te plotesojne nje sere kriteresh te percaktuara nga Ministria e Arsimit. Fillimisht duhet te plotesohet paketa e tij funksionale dhe me pas te hapen procedurat per marrjen e dokumentit qe e ben ate drejtor. Paketa duhet te permbaje deshmi zyrtare si jeteshkrimin e tij (Curriculum Vitae), vleresimet zyrtare si drejtues, poste profesionale si kryetar i ekipit lendor, fitime projektesh qeveritare ose jo qeveritare, cmime ne konkurse si mesues, etj. Nje tjeter domosdoshmeri per te vazhduar konkursin eshte edhe eksperienca ne pune si mesues, ndersa nuk percaktohet koha e ketij profesioni. Pas kesaj faze jane provimet qe do u nenshtrohen kandidatet, te cilet duhet te arrijne te sigurojne modulet dhe me pas nje provim perfundimtar. Kandidati per drejtor duhet te grumbulloje nje numer minimal pikesh (kreditesh) per secilin modul. Sigurimi i ketyre pikeve i jep kandidatit licencen e nendrejtorit e shkolles. Rruga e gjate per t'u bere drejtor ende s'ka mbaruar. Nendrejtori qe ka arritur te marre licencen, duhet te beje nje vit praktike si i tille dhe vetem me pas ai kalon nje shkalle me lart: Drejtor. Bazuar ne draft strategjine per reformen e sistemit te formimit dhe zhvillimit profesional te drejtuesve te shkollave, provimet per modulet dhe afatin perfundimtar, do te kryhen nga agjencite perkatese trajnuese.

Kriteret e reja, zbatimi nga ky vit

Ky vit akademik do ti perfshije mesuesit por edhe drejtuesit aktuale ne garen per te marre licencen dhe me pas per te vazhduar drejtimin e nje institucioni arsimor parauniversitar. Pas miratimit te plote te draftit te pergatitur nga Ministra e Arsimit pritet qe te nise zbatimi i tij, perpara fillimit te vitit shkollor 2008-2009. Te gjithe mesuesit, nendrejtoret dhe drejtoret aktuale kane te drejten qe tu nenshtrohen ketyre konkurseve. Fillimisht do te jete plotesimi i dosjes dhe me pas konkurset ato qe do te garantojne nje vend te tille pune. Por konkurset parashikojne qe te kete edhe nga ata kandidate te cilet nuk mund ta fitojne postin drejtues megjithese mund te kene qene te tille per vite me radhe. Do te jene aftesise e tyre, dhe njohurite qe kane ato qe do t'i bejne drejtore apo nendrejtore. Nderkohe qe fituesit e pare priten te drejtojne institucionet pas tre vjetesh. Kjo per vete faktin se duhen dy vjet per te marre licencen dhe nje vit per ta ushtruar ate si nendrejtor. Gjate kesaj periudhe kohe do te jene ne keto pozicione drejtues aktuale apo te tjere te cilet do te vendosen me emerim nga Drejtorite Arsimore te Rretheve. Me pas do te behet edhe zevendesimi i tyre. Kurse nendrejtoret do t'i kene postet e tyre pas dy vjetesh.

Skema per t'u bere drejtor:

Mesues

Nendrejtor

Drejtor

Kriteret per licence:

Kandidati i nenshtrohet provimeve per cdo modul

Te grumbulloje minimumin e pikeve per secilin modul

Provimet kryhen nga agjencite perkatese trajnuese

Piket i japin kandidatit licencen e nendrejtorit

Pas nje viti praktike prof. Atij i jepet licenca si drejtor

Licenca perterihet cdo 8 vjet

Provimet

Zhvillimi i provimeve do te jete ne te njejtat masa sigurie ashtu sikurse zhvillohen sot edhe provimet e matures shteterore. Do te jene specialiste te Ministrise se Arsimit dhe te AVA te cilet do te hartojne dhe perpilojne pyetjet. Nderkohe qe provimi do te jete me flete te sekretuara ku emri me rezultatin do te dalin vetem ne momentin perfundimtar.

Dokumentacioni

Kandidatet duhet te plotesojne nje dokumentacion te percaktuar dhe me pas te konkurrojne. Dosja duhet te permbaje deshmi zyrtare si jeteshkrimin e tij (Curriculum Vitae), vleresimet zyrtare si drejtues, poste profesionale si kryetar i ekipit lendor, fitime projektesh qeveritare ose jo qeveritare, cmime ne konkurse si mesues, etj. Nje tjeter domosdoshmeri per te vazhduar konkursin eshte edhe eksperienca ne pune si mesues, ndersa nuk percaktohet koha e ketij profesioni.