Guide e re turistike per Antigonene antike

Ditet e fundit eshte hedhur ne qarkullim per grupet e vizitoreve vendas dhe te huaj nje guide e re turistike per sitin arkeologjik te Antigonese antike ne rrethin e Gjirokastres. Kjo nisme u mundesua fale bashkepunimit te Zyres se Parkut Arkeologjik te Antigonese dhe Organizates per Mbrojtjen dhe Zhvillimin e Gjirokastres Historike. "Realizimi i kesaj guide behet i mundur me fillimin e sezonit turistik, duke sherbyer keshtu si nje material i vlefshem informativ dhe orientues per vizitoret qe mberrijne ne Parkun Arkeologjik te Antigonese", tregojne realizuesit e guides turistike. Pjese e guides eshte nje material i pasur informativ ne lidhje me historikun e qyteterimit antik te Antigonese, njeri prej qyteterimeve me te zhvilluara ne luginen e Drinos. Nderkohe ky material shoqerohet edhe me foto te ndryshme ilustruese te realizuara ne zonat me terheqese te ketij siti arkeologjik. Nje element ndihmes per grupet turistike eshte edhe nje harte orientuese ne lidhje me zonen ku ndodhen rrenojat arkeologjike te Antigonese antike.

Germimet e para ne Antigonene antike u ndermoren ne prag te Luftes se Pare Boterore nga S. Evangelidhi. Shenime me te hollesishme pastaj ka dhene prof. N.G.L Hammond, i cili vizitoi rrenojat e Jermes ne vitet '30 te shekullit ne vazhdim. Ky gjurmues e njohes i mire i Epirit, pervec te tjerave, ka bere perpjekje edhe per datimin e sistemit fortifikues te Jermes dhe per analogji i inkuadroi keto mure me ato te Leklit, te ndertuara ne periudhen e hershme helenistike. Germimet sistematike te ndermarra ne Jerme, qysh prej vitit 1966 nxoren ne drite nje material arkeologjik mjaft te pasur, i cili ndryshoi rrenjesisht perfytyrimet per kete vendbanim. Nje nder rezultatet e rendesishme te germimeve eshte identifikimi i rrenojave te Jermes ne qytetin e Antigonese. Kjo u be e mundur me zbulimin e nje tog teserash te rrumbullaketa prej bronzi me mbishkrimin ANTITONEAN. Keto objekte, te cilat permbajne dokumentin e pare epigrafik, qe ben fjale per qytetin e Antigonese na dhane mundesi te korrigjojme mendimin e shprehur me pare per kete ceshtje. Nje interes te vecante ne Antigone paraqesin elementet urbanistike dhe arkitektonike. Per te paren here ne qytetet tona keto elemente jane zbuluar ne nje mase te tille qe te japin mundesi te formosh, qofte edhe ne vija te pergjithshme nje ide mbi planin urbanistik te nje qyteti dhe vecorite arkitektonike dhe konstruktive te banesave qytetare.