Matura, koeficientet e shkollave te ndryshem

Luljeta Ndoka

Koeficientet e shkollave qe do te perzgjidhen per Universitetin e Tiranes nuk do te jene te njejte per te gjithe. Burime nga Ministria e Arsimit konfirmojne se do te hedhin poshte propozimin e rektorit te ketij universitetit, per te vendosur koeficientin e njejte 1,0, per te gjitha shkollat. Sipas tyre, eshte e nevojshme qe te behen diferencime, sepse lloji i shkolles se mesme qe ka kryer kandidati, luan shume rol ne vleresimin e tij si dhe shanset per te fituar. Ende nuk eshte vendosur se si do te jene ata, por paraprakisht mesohet se do te shperndahen ne te njejten kohe me formularin A2.

Propozimi i rektorit te Universitetit te Tiranes per unifikimin e koeficienteve per te gjitha llojet e shkollave te mesme, hidhet poshte nga specialistet. Ata jane te mendimit se nuk eshte aspak logjike qe te kete te njejtat shanse per te fituar per shembull degen e ekonomikut si nje kandidat qe ka perfunduar shkolle shoqerore, ashtu edhe nje tjeter qe ka perfunduar te mesmen ekonomike. Por, duket se ne kete parim eshte bazuar rektori i UT-se, Dhori Kule, i cili ka dashur t'u jape shansin te gjitheve qe te hyjne si te barabarte ne provimet me zgjedhje te Matures Shteterore. Ai ka deklaruar se unifikimi i koeficientit do te evitoje ne maksimum diskriminimin qe u behet kandidateve per studente. Ne fakt, shume autoritete drejtuese ne arsim kane ngritur shqetesimin se do te kete te njejtin shans per te fituar per shembull Ekonomikun si dikush qe ka mbaruar shkolle te mesme profesionale ne fushen e ekonomise, si nje tjeter per muzike. Por, sipas specialisteve, nuk ka kurre mundesi logjike dhe as reale qe nje qe ka mbaruar fizkulture, ose muzike, t´i linde befas deshira per t´u bere ekonomist.

Unifikimi i koeficienteve per shkollat nuk perben nje teme te re debati mes Dhori Kules dhe specialisteve. Edhe ne kohe kur ka qene dekan i Fakultetit te Ekonomise, ai kerkoi me ngulm qe te pakten kjo dege te kishte koeficient te njejte. Megjithate edhe nje gje e tille u hodh poshte nga Ministria e Arsimit dhe e Shkences me argumentin "Nese aplikohet koeficient unik, cenohet parimi i mundesive te barabarta sipas meritave". Keshtu, publikimi i koeficienteve te rinj te shkollave te mesme, te vlefshme per ne Universitetin e Tiranes do te behet ne te njejten kohe kur do te dergohet ne shkolla dhe formulari i listimit te dhjete preferencave per ne shkolle te larte. Ndonese eshte bere publikimi dhe miratimi i koeficienteve te fakulteteve te kryeqytetit, ndodhen ende ne diskutim propozimet e bera nga keto te fundit per vendosjen e koeficientit te njejte per te gjitha shkollat. Me nje gje te tille po merret nje grup pune i posacem i ngritur ne MASH.



1,0 Koeficienti qe eshte propozuar per te gjitha shkollat e mesme per Universitetin e Tiranes. Ky koeficient i unifikuar eshte propozuar sipas parimit te mosdiskriminimit per te gjithe maturantet.



10 Jane llojet e shkollave te mesme ne te gjithe vendin. Behet fjale per shkollat e mesme te pergjithshme dhe sipas profileve, shkollat Tekniko-Ekonomike, shkollat Social- Kulturore etj.



9 Eshte numri i lendeve me zgjedhjeve, per te cilat koeficientet ndryshojne sipas deges qe maturantet zgjedhin per provimeve me zgjedhje. Sivjet u ndane disa lende qe ishin cift



1,3 Eshte vendosur te jete koeficienti per te gjitha deget ne lenden e anglishtes. Kjo eshte bere ne kuader te nismes "Shqiperia Anglofone", per integrimin ne tregun global te punes



5 Jane komponentet qe do te sherbejne per te llogaritur piket e maturanteve. Behet fjale per mesataren, provimet me detyrim, provimet me zgjedhje, koeficienti i shkolles dhe ai i lendes