Rruget rurale, tenderet 400 milione USD nisin ne korrik

Blerina Hoxha

Investimet ne infrastrukturen rrugore ne korrikun e ketij viti do te shtrihen edhe ne akset dytesore dhe lokale. Kjo nisme ka qene dje ne qender te nje takimi ndermjet ministrit te Transporteve, Sokol Olldashi dhe perfaqesuesve te Bankes Boterore. Permasat e parashikuara te projektit do te perfshijne 1000 deri ne 1500 kilometra rruge dytesore per riparimin e te cilave nevojiten 200-400 milione dollare amerikane. Banka Boterore se bashku me fondin Opec pritet te kontribuoje me nje shume prej 35 milione dollaresh, e cila do te miratohet keto dite. Tenderet per disa nga keto akse do te nisin ne korrik te ketij viti. Projekti per permiresimin e infrastruktures rrugore rurale eshte nisme e qeverise shqiptare i mbeshtetur nga BB dhe qe do te realizohet nga Fondi Shqiptar i Zhvillimit. Ne fund te ketij projekti, i cili do te zgjase 5 vjet, parashikohet te ngrihet jo vetem nje rrjet dytesor dhe komunal i permiresuar ne menyre rrenjesore, por edhe nje inventar i rifreskuar i te gjitha rrugeve rajonale duke mundesuar njohjen ne kohe reale te nevojave per investim dhe per mirembajtjen e tyre, tha ministri i Transporteve, Sokol Olldashi. Lidhja e kontratave te para te punimeve civile pritet te behet ne periudhen korrik-qershor 2008. I gjithe projekti do te zbatohet ne bashkepunim te ngushte me Njesite e Qeverisjes Vendore. Sipas eksperteve te Ministrise se Transportit, kriteret kryesore per perzgjedhjen e projekteve per financim do te perfshijne: "Ndikimin e projektit ne zhvillimin social e ekonomik te zones, gjendja ekzistuese e rruges se propozuar, numri i perfituesve, raporti financiar kosto/perfitim etj". Kriteret do te behen publike para vleresimit dhe do te konsultohen me te gjithe te interesuarit ne menyre qe te arrihet nje perzgjedhje sa me e mire e projekteve per financim. Projekti i propozuar do te kete komponente kryesore, permiresimin e seksioneve prioritare te rrjetit rrugor rajonal dhe permiresimin e seksioneve prioritare te rrjetit rrugor ne komuna.

Rruget rurale, 99% ne kushte te keqija, sipas vleresimeve te Bankes Boterore.

Ne zonat rurale te Shqiperise jeton me shume se gjysma (55%) e popullsise, dhe nje pjese e saj eshte e varfer. Nje vezhgim i fundit i Bankes Boterore ka vene ne duke se, pas punesimit dhe nivelit te te ardhurave qe jane te parat, shumica e te anketuarve kane konsideruar problemet e infrastruktures si faktore kryesore qe ndikojne ne standardin e tyre te jeteses. Banoret e zonave rurale kane vene ne dukje gjithashtu faktin se aksesi i pamjaftueshem ne infrastrukturen rrugore krijon per ta veshtiresi drejt tregjeve te shitjes, kontribuon ne migrimin e popullsise drejt zonave urbane, dhe eshte pengese per realizimin e sherbimeve shendetesore dhe arsimit. Rreth 49 per qind prodhuesve agrare kane deklaruar se mungesa e infrastruktures se mire rrugore perben problemin kryesor ne tregtimin e produkteve te tyre. Aktualisht, vetem 39 per qind e rrjetit rrugor lokal eshte i asfaltuar, qe eshte dhe shifra me e ulet ne rajon, dhe 95% e tij eshte ne kushte te keqija ose shume te keqija – me segmente rrugore qe jane te pakalueshme ne pjesen me te madhe te vitit. Te ardhurat ne nivelin lokal, si taksa e regjistrimit te automjeteve, jane te pamjaftueshme per te realizuar mirembajtjen e rrugeve ne nivelin e kerkuar – shpenzimet aktuale te mirembajtjes perbejne vetem 40% te atyre qe do te duheshin per te.



Rruget, drejtoria transferohet ne ent

Zhvillimit kombetar i transportit rrugor, perfshijne reformen institucionale per transformimin e Drejtorise se Pergjithshme te Rrugeve ne nje ent publik. Ministri i Transporteve, Sokol Olldashi, ne fjalen e tij, duke vleresuar rendesine e reformimit te DPRr-se, u shpreh se, ne kete menyre i pergjigjemi ritmit te financimeve qe kemi marre ne sektorin rrugor, si dhe kerkesave dhe pritshmerie qe kane qytetaret nga institucionet qe merren me infrastrukturen rrugore. “Transformimi i DPRr-se ne nje ent publik do te jete shume pozitiv, qofte per menyren se si do te menaxhohen ato burime financiare qe shkojne ne sektorin rrugor, por dhe per sa i perket eficences se kapaciteteve njerezore qe enti i ardhshem publik i rrugeve do te kete, si dhe per sa i perket koordinimeve per burimet financiare te brendshme me donacionet qe vine nga partneret tane te ndryshem per te pasur nje zbatim sa me te mire dhe sa me te shpejte ne kohe e te arrire ne cilesi”, tha Olldashi. Reformimi i Drejtorise se Pergjithshme te Rrugeve ka per qellim permiresimin e kapaciteteve menaxhuese ne kuadrin e krijimit te nje enti autonom, i cili ka si mision kryesor kontraktimin e sherbimeve drejt sektorit privat dhe menaxhimin e ketyre sherbimeve me qellim krijimin e nje rrjeti rrugor performant.