Ambasada shqiptare, serish alarm bombe

Nje tjeter alarm i rreme per venie bombe eshte denoncuar dje ne ambasaden shqiptare te Athines. Mediat greke deklaruan se ne oret e mesdites, nje person ende i paidentifikuar, i telefonoi policise se Athines, duke i pohuar se ne kete ambasade ishte vendosur nje bombe, e cila do te shperthente per pak kohe. Ne vendin e supozuar te ngjarjes, mberriten forca te shumta policore dhe specialiste anti-eksploziv. Ata kryen kontroll te imtesishem, pasi me pare realizuan evakuimin e plote te personelit te ambasades dhe godinave te tjera perreth. Pas disa minutash kontroll, policia tha se behej fjale per nje alarm te rreme. Ne vendin e supozuar nuk u gjet asnje mase lende eksplozive qe nga telefonuesi anonim u pretendua se do te hidhte ne ere ambasaden e Shqiperise.

Ky ishte nje rast i perseritur brenda vitit ne vazhdim, i denoncimeve te rreme per venie bombe ne ambasaden tone ne Athine. Burime policore ne kryeqytetin grek kane pohuar per mediat vendase se edhe me pare, ka pasur alarme false. Megjithate ato jane marre me seriozitet dhe kontrollet jane kryer konform procedures rutine te kontrollit te specializuar. Ne Greqi per shume vite ka ekzistuar organizata terroriste "17 Noembri" ("17 Nentori") e cila shpesh merrte pergjegjesine per ngjarje te renda te ndodhura ne kete vend. Aktualisht jane disa grupime te ngjashme me "17 Noembrin", te cilat pretendojne se jane te disponueshme dhe te afta te kryejne sulme terroriste ne vende publike.