“Do rindertojme banesat e shembura”

Ministri i Brendshem, Bujar Nishani, u shpreh dje ne Bashkine Vore se, per sa i takon ankesave te familjareve per masen e demshperblimit per banesat, jane duke punuar ne terren 10 grupe per rivleresimin e demit. Nderkohe qe eshte marre kontakt me disa firma ndertimi per te ringritur godinat e shembura ne Gerdec e Marqinet pas shperthimit. Por do te pritet terheqja e demshperblimeve, per te pare se cilat nga familjet pranojne t’u rindertohet banesa. Per mobiliet familjet kane marre 200 mije leke per fryme, kurse per siperfaqen, 25 mije leke metri katror. Ministri u informua nga kryetari i Bashkise Vore, Fiqiri Ismaili, se deri me tani per efekt te perfitimit te demshperblimit financiar per familjet e demtuara jane celur rreth 1700 numra llogarie ne agjencite e bankave qe ekzistojne ne kete njesi administrative.

NDIHMAT PER PUNETORET

Nje proces tjeter per eliminimin e pasojave te shperthimit ne zone eshte edhe akordimi i nje ndihme financiare per punetoret e fabrikes se demontimit te predhave ne Gerdec. Nderkohe qe, vazhdon shperndarja e ndihmave materiale e ushqimore per familjaret, te akorduara nga qeveria dhe donatoret e ndryshem. Ne nje komunikim me median, ministri Nishani deklaroi se “procesi i demshperblimit te familjeve dhe ndarjes se ndihmave financiare e materiale per te demtuarit po zhvillohet me seriozitet, transparence e angazhim te plote nga te gjitha strukturat shteterore”. Nishani zhvilloi nje takim edhe me banoret qe ndodheshin prane Bashkise se Vores, ku degjoi shqetesimet dhe kerkesat e tyre dhe iu pergjigj interesimit lidhur me menyren, masen dhe kohen e akordimit te ndihmave financiare e materiale nga qeveria. Banoret e pranishem pohuan edhe njehere se jane dakord me masen e demshperblimit te percaktuar nga komisionet e vleresimit.

RRUGA

Rruga qe lidh Gerdecin me fshatin Marqinet 2, e gjate 1.2 km, qe u shkaterrua nga shperthimi i 15 marsit, prej se henes eshte funksionale si per banoret ashtu edhe per mjetet. Per ndertimin e saj u perdoren mbi 800 meter kub cakull dhe stabilizant. Lajmi konfirmohet nga Ministria e Brendshme, gjate dites se djeshme, ku thuhet gjithashtu se, ka vazhduar krehja e zones per gjetjen dhe grumbullimin e predhave, per kontrollin e banesave, per certifikimin e tyre, per shtrimin e rruges me cakull. Ne zonen e emergjences operuan dje gjithsej 431 efektiva (forca kerkimi 50, forca sigurie 103 dhe forca mbeshtetese 278). Bashke me keto forca, po operojne edhe 24 daneze te DCA dhe 13 xheniere te TMK. Ndersa ne terren operuan 62 mjete dhe u shperndane 9.5 tone ndihma me ushqime dhe detergjente. Sipas kesaj ministrie, jane marre te gjitha masat per eleminimin e pasojave ne fshatin Gerdec dhe fshatrat perreth te prekura nga shperthimi. Shtabi i emergjencave, i drejtuar nga Ministri i Brendshem, Bujar Nishani dhe Kryetari i bashkise Vore, Fiqiri Ismaili, ne prani te deputetit te zones Astrit Patozi, u mblodh dje ne Bashkine Vore per te diskutuar rreth situates se krijuar pas publikimit te vleresimit financiar per cdo objekt te demtuar.



Pastrimi i zones, edhe ushtarake te huaj

Qendra e Bashkuar Operacionale e Ministrise se Mbrojtjes informon se ne zonen e emergjences, kane operuar gjithsej 431 efektiva (forca kerkimi 50, forca sigurie 103 dhe forca mbeshtetese 278). Bashke me keto forca, po operojne edhe 24 daneze te DCA dhe 13 xheniere te TMK.

Ndersa ne spitalet e vendit po trajtohen 27 qytetare, 14 ne Spitalin Ushtarak (nga keta vetem 4 vazhdojne mjekimin, ndersa 10 kane perfunduar trajtimin mjekesor) dhe 13 te plagosur ne kompleksin spitalor “Nene Tereza”.