Energjia, rritja e cmimeve e pamjaftueshme

Reformat ne sektorin e energjise elektrike duhet te thellohen edhe me shume, per te rritur shanset per nje privatizim te suksesshem te kompanise. Keshillen e ka dhene Fondi Monetar Nderkombetar dje, gjate rishikimit te katert te performances ekonomike te Shqiperise ne kuadrin e marreveshjes trevjecare me vendin tone. “Arketimet duhet te permiresohen, humbjet ne rrjet duhet te pakesohen dhe tarifat te rriten”, keshillon Fondi, i cili cileson se rritja e tarifave ne mars ishte nje element fillestar i rendesishem, por perpjekje te tjera jane te nevojshme per te frenuar humbjet gati-fiskale te sektorit. Reformat dhe sektorin e cmimeve dhe ne reduktimin e humbjeve ne KESH jane te domosdoshme per te permiresuar shanset per privatizimin e sektorit te shperndarjes qe synohet per 2008, si dhe per te siguruar furnizim te sigurt me energji ne afatin e mesem”, thuhet ne deklaraten e Fondit. Gjithashtu, sipas institucionit financiar nderkombetar, nje reforme e qendrueshme e sektorit te energjise elektrike eshte nje prioritet, pasi do te ndihmoje ne zbutjen e rreziqeve ndaj kuadrit makroekonomik dhe do te kufizonte humbjet gati-fiskale.

Veprimet ne kohen e duhur te autoriteteve gjate vitit te kaluar kane ndihmuar ne permbajtjen e pritshmerive te inflacionit, pavaresisht presioneve nga thatesira dhe cmimet me te larta ne tregjet e huaja per ushqimet dhe energjine, theksoi FMN, ne deklaraten e djeshme. Nga ana tjeter, kuadri fiskal afatmesem balancon ne menyren e duhur nevojat per shpenzime shtese per infrastrukture dhe zhvillim me shqetesimet per stabilitet makroekonomik, duke synuar njekohesisht te zvogeloje rolin e qeverise dhe te krijoje nje mjedis nxites per aktivitetin e sektorit privat. Autoritetet kane ndermend te miratojne nje tavan per deficitin jo me te larte se 4 per qind e Prodhimit te Brendshem Bruto (PBB) per vitin 2009 dhe vitet ne vazhdim. Kjo duhet te siguroje nje garanci te besueshme per politiken fiskale ne afatin e mesem dhe te jape siguri shtese se trajektorja ne renie e borxhit publik do te ruhet, si dhe te jape nje mbeshtetje te mirepritur per politiken monetare ne mbajtjen te ankoruara te pritshmerive per inflacionin, theksoi Fondi.

Perfundimi i rishikimit te marreveshjes me FMN mundeson levrimin e shumes se barazvlefshme me 2,4 milione SDR (afersisht 4 milione dollare), e cila e con totalin e levrimeve te fondit per Shqiperine ne kuadrin e marreveshjes trevjecare ne 12,2 milione SDR (afersisht 19,9 milione dollare). Marreveshja aktuale me fondin parashikon disbursimin e nje shume totale prej 17 milione SDR (rreth 27,9 milione dollare), e cila eshte miratuar paraprakisht me 1 shkurt te vitit 2006. Axhenda strukturore ka bere perparime, sidomos ne fushen fiskale, ndersa programi i privatizimit eshte ne prag te perfundimit, thuhet ne analizen e Fondit. Megjithate, probleme te thella ne sektorin e energjise, dolen perseri ne krye, eshte shprehur zyrtari i FMN, Mario Portugal. Por permbushja nga ana e Shqiperise e politikave te matura makroekonomike dhe strukturore ka ndikuar ndjeshem ne ecurine e forte makroekonomike, pavaresisht sfidave te nje mjedisi te jashtem te veshtire. Ne 2007, rritja ekonomike u permiresua dhe inflacioni mbeti ne intervalin e synuar, me gjithe thatesiren dhe cmimet ne rritje per produktet ushqimore dhe energjine.