Minoriteti, tubime ne Mitrovice dhe Gracanice
E Marte, 01 Prill 2008
Qytetaret serbe protestuan ne menyre te qete dje ne Gracanice dhe Mitrovice. Rreth 200 minoritare u grumbulluan ne qender te Gracanices. Si zakonisht, organizatoret kane lexuar disa kerkesa te tyre dhe njeheresh para se t'u bejne thirrje qe te marshojne neper qytet, ne menyre te qete, kane ftuan te pranishmit, qe te marrin pjese ne protesten qe do te organizohet te henen e ardhshme.
Edhe ne veri te Mitrovices, rreth 50 te veteshpallur punonjes serbe te gjykatave te zones protestuan ne afersi te ketyre objekteve. Zedhenesi i SHPK-se per rajonin e Mitrovices, Besim Hoti, tha se protesta ka zgjatur rreth 2 ore e gjysme dhe ka perfunduar pa incidente. Nderkohe, pjesetaret e KFOR-it edhe me tej po vazhdojne t'i sigurojne objektet e gjykatave te Mitrovices, ne pjesen veriore, duke mos lejuar hyrjen e serbeve ne to. Sakaq, ende nuk dihet kur do te fillojne nga puna punetoret shqiptare dhe nderkombetare ne organet e jurisprudences ne kete pjese te qytetit te Mitrovices.
