Shendeti Publik: Probleme ne ujin e pijshem

Ndertimet pa leje ne zonen e Ujit te Ftohte kane nisur te rrezikojne burimet e ujit te pijshem si dhe tubacionet e shperndarjes se tij ne gjithe qytetin. Pompat kryesore te ujit te pijshem, qe jane pozicionuar ne zonen e Ujit te Ftohte kane mbi to me qindra ndertime te ngritura mbi tubacionet e ujit te pijshem. Sipas eksperteve te shendetit publik ne Vlore, gropat septike, me te cilat keto banesa operojne ne vend te kanalizimeve, rrezikojne seriozisht ujin e pijshem ne qytet, pasi shpesh ndodh kontaminimi i ujit per shkak te perzierjes. Sipas drejtoreshes se Shendetit Publik, Brunilda Ndreu, i duhet thene "stop" ketyre ndertimeve qe jane nje ngarkese e tepert per kushtet higjieno-sanitare te qytetit, dhe vecanerisht per ujin e pijshem edhe pse ky i fundit analizohet cdo dite. Nga ana tjeter, drejtori i Ujesjellesit te Vlores, Viron Hysi, shprehet se keto ndertime qe jane bere dhe po vijojne te behen ne zonen e bregdetit, por edhe ne pjese te ndryshme te qytetit, jashte planit urbanistik apo studimor te qytetit, pengojne drejtperdrejt zbatimin e projektit holandez te ujesjellesit, i cili eshte nje investim prej me teper se 26 milione euro. Kreu i ujesjellesit deklaroi se te gjitha keto ndertime te paligjshme do te hidhen per toke perpara se te filloje zbatimi i ketij projekti nga me te medhenjte ne qytetin e Vlores, qe do te siguroje uje te pijshem dhe higjienikisht te sigurt 24 ore per gjithe qytetin. Gjithsesi, deri atehere problemi i gropave septike ne gjithe ndertimet pa leje, apo pjeset e zonave informale, nderhyrjet pa leje ne rrjetin e ujesjellesit, amortizimi i ketij te fundit e te tjera probleme qe shkaktojne ndotjen e ujit te pijshem mbeten nje rrezik konstant per qytetaret e Vlores, te cilet jane te ekspozuar ndaj rrezikut te ndotjes se ujit qe konsumojne cdo dite. Nderkohe mesohet se nje numer i madh ndertimesh pa leje kane nisur te ngrihen ne rrethin e Vlores, kryesisht ne zonen e bregdetit pertej Ujit te Ftohte. Ato pritet te rendojne edhe problemet ne infrastrukture, si ne furnizim me energji, ujesjelles dhe kanalizime.

Ornela Hila