Zbutet vera, sivjet me e fresket

Luljeta Ndoka

Temperaturat perveluese do te jene vetem nje e kaluar e hidhur per te gjithe shqiptaret kete vere. Lajmi i mire vjen nga Instituti i Energjise, Ujit dhe Mjedisit, i cili ka bere per gazeten "KJ" nje parashikim afatgjate, nga prill i ketij viti, deri ne muajin shtator. Shefi i sektorit te parashikimit te motit ne kete institut, Bojko Themelko, shpjegon se parashikimet afatgjate nuk jane gjithnje te sakta per vete shtrirjen ne kohe te matjes se elementeve, por te peraferta. Gjithsesi, vera e sivjetshme pritet te jete me "meshireplote" me njerezit, duke u kursyer atyre temperatura shume te larta, te cilat sollen jo pak probleme ne shendetin e njerezve nje vit me pare.

Tendenca

Keshtu, sipas Themelkos periudha kulminante e veres do te karakterizohet nga temperatura 0-5 grade me te uleta ne krahasim me mesataren shumevjecare. Por fillimisht, muajt e ardhshem te pranveres do te karakterizohen nga nje rritje e lehte temperaturash ne krahasim me te njejten periudhe te vitit te kaluar. Me konkretisht, muaji prill pritet te karakterizohet nga temperatura rreth 0,5 grade me te larta se mesatarja shumevjecare. Nderkaq, per sa u perket reshjeve, sipas specialistit Bojko Themelko, prilli do te jete nje muaj i lagesht, me rreth 20mm reshje me shume se mesatarja shumevjecare. Ndersa ne maj nuk pritet qe te kemi rritje te madhe temperaturash, por thatesire. Keshtu, maji pritet te jete nje muaj i ngrohte me temperatura rreth 0m5 grade mbi mesatare. Per sa u perket reshjeve, masa e tyre do te jete rreth 30 mm poshte mesatares shumevjecare.

Vera

Muaji i pare i veres, qershori, do te jete nje muaj i fresket ne krahasim me muajin e kaluar. Sipas specialistit, Bojko Themelko, ai do te jete nje muaj i fresket me temperature mesatare rreth 0,5 grade me te ulet se mesatarja shumevjecare. Ndersa per sa u perket reshjeve, qershori do te jete nje muaj i laget me rreth 10 mm mbi mesatare. Korriku, i cili pergjithesisht eshte muaji me i nxehte i vitit, do te jete i fresket. Keshtu, ai do te jete me temperatura rreth 1 grade nen mesatare, dhe i lagesht per sa u perket reshjeve me rreth 10 mm mbi mesatare. Edhe gushti pritet qe te jete me i fresket, lajm shume i mire ky, po te kemi parasysh temperaturat perveluese, me te cilat u perball vjet vendi yne. Keshtu, temperaturat do te jene rreth 0,5 grade nen mesatare, dhe per sa u perket reshjeve, ai do te jete muaj normal. Shtatori 2008 do te jete muaj me i ngrohte se i vitit te kaluar. Specialistet parashikojne qe ai te jete rreth 0,5 grade mbi mesataren dhe i thate per sa u perket reshjeve me rreth 20mm me pak se mesatarja shumevjecare. Si llogariten temperaturat mesatare? Sipas specialisteve, ato nxirren duke mbledhur temperaturat minimale dhe temperaturat maksimale, dhe duke i pjesetuar per dy.

Vjen i nxehti, lamtumire ngrica!

Temperaturat nen zero grade nuk pritet qe te kthehen me deri ne dimrin e ardhshem. Ky eshte parashikimi sipas Institutit te Energjise, Ujit dhe Mjedisit, i cili parashikon mot te qendrueshem, te kthjellet dhe temperatura me te larta. Me konkretisht, gjate dites se sotme, mbi vendin tone do te mbizoteroje mot i kthjellet me vranesira te pakta. Temperaturat ekstreme te ajrit pritet te jene: Ne vendet malore, temperaturat minimale nuk do te zbresin poshte 1, ndersa ato maksimale do te ngjiten deri ne 16 grade Celsius. Ne vendet e uleta, minimalet do te zbresin deri ne 6, ndersa ato maksimale do te ngjiten deri ne 22 grade dhe ne bregdet temperaturat minimale do te zbresin deri ne 7, ndersa ato maksimale do te ngjiten deri ne 20 grade Celsius. Ndersa gjate dites se neserme, ne vendet malore, temperaturat minimale do te zbresin deri ne 1, ndersa ato maksimale do te ngjiten deri ne 15 grade. Ne vendet e uleta 6-21 dhe ne bregdet, temperaturat minimale do te zbresin deri ne 7, ndersa ato maksimale do te ngjiten deri ne 20 grade Celsius.

Vera e vjetshme, temperatura deri 44 grade

Vera e vjetshme ka qene nje nder me te nxehtat ne 50 vitet e fundit. Nje fenomen qe u vu re vjet gjate matjes se temperaturave ishte se ato temperatura, qe per nje qytet ishin minimalet, ne vende te tjera te njejtat temperatura ishin maksimale. Temperaturat maksimale arriten deri ne 44 grade Celsius, ndersa ne asfalt, maksimalet arriten edhe ne 45 grade. Nje gje e tille beri qe shume njerez te kishin probleme me zemren, hipertensionin etj. Jo vetem te moshuarit, por edhe femijet u bene pre e shqetesimeve per shkak te temperaturave perveluese te veres se nxehte qe lame pas.