Prokuroria hetim per shperdorimin detyre Mediut

Me ane te nje komunikimi zyrtar Prokuroria e Pergjithshme deklaroi se kishte marre nen juridiksionin e saj dosjen per tragjedine e Gerdecit, pasi gjate hetimeve kishte gjetur disa elemente sipas se cilave ish-Ministri i Mbrojtjes, Fatmir Mediu, mund te kete konsumuar vepren e shperdorimit te detyres dhe kjo eshte kompetence e Prokurorise se Pergjithshme. "Grupi hetimor i Prokurorise se Tiranes, i cili po merret me ceshtjen e Gerdecit, vendosi qe te shpalle moskompetencen e Prokurorise se Tiranes per vazhdimin e hetimit te kesaj ceshtjeje dhe ia kaloi aktet si instanca kompetente Prokurorise se Pergjithshme. Ne kete konkluzion u arrit per shkak se prej te dhenave te perfituara nga hetimi i deritanishem grupi hetimor arriti ne perfundimin dhe ka dyshime ne kuader te kesaj ceshtjeje, ka elemente sipas se cilave ish-Ministri i Mbrojtjes, Fatmir Mediu, mund te kete konsumuar vepren e shperdorimit te detyres. Duke qene se hetimi i personave qe gezojne imunitet eshte ne kompetence te Prokurorise se Pergjithshme, dosja u ka kaluar per shqyrtim prokuroreve te kesaj prokurorie", behej e ditur nga njoftimi zyrtar i institucionit te akuzes. Sipas te njejtave burime, ne Prokurorine e Pergjithshme ka filluar shqyrtimi i materialeve per te vleresuar vendimin e marre prej prokuroreve te Prokurorise se Tiranes. Bashke me shqyrtimin e dosjes po punohet edhe per percaktimin e hapave te metejshme qe do te ndermerren, nese do ti kerkohet Kuvendit heqja e imunitetit te ish-ministrit Fatmir Mediu.