Rajs: "A3" ne NATO, sjell stabilitet ne rajon
E Diele, 30 Mars 2008
SHBA shprehet e sigurt per ftesen per anetaresim ne NATO qe do marre Shqiperia nga Samiti i Bukureshtit. Kete e ka pohuar Sekretarja amerikane e Shtetit, e cila ne nje interviste per gazeten "Uashington Time" eshte shprehur se Shqiperia, Maqedonia dhe Kroacia i kane treguar vlerat e tyre me pjesemarrjen ne disa nisma sigurie. Ajo vlereson se anetaresimi ne NATO i tre vendeve te Kartes se Adriatikut do te sjelle stabilitet ne Evropen Juglindore. Rajs e ka bere kete deklarate ne nje nder gazetat me me peshe ne SHBA, duke rritur dukshem shpresen se Shqiperia do te perfitoje ftesen per ne NATO nga Samiti i Bukureshtit, i cili i zhvillon punimet me 2-4 prill. "Hyrja e Shqiperise, Maqedonise dhe Kroacise ne Aleance do te ishte faktor stabilizues ne Ballkan ne kohen kur kjo eshte kjo e domosdoshme. Mendoj se keto tre vende treguan vlerat e tyre duke u perfshire ne disa nisma te sigurise", shprehet sekretarja Rajs. Ajo foli gjithashtu edhe per kontestin mes Shkupit dhe Athines per emrin kushtetues te Maqedonise dhe paralajmerimet e autoriteteve greke se do te vendosin veton ne Samitin e Bukureshtit per anetaresimin e Maqedonise ne Aleancen e Atlantikut te Veriut. "Nuk do te me vinte mire nese do te pengohej kjo, por shpresoj se te dyja palet do te jete fleksibile dhe do te pranojne propozimet e negociatorit Metju Nimic", tha Rajs. E cila, gjithsesi, shpreson deri ne minuten e fundit per nje arritje akordi mes ketyre dy vendeve ballkanike, ne menyre qe Maqedonia te perfitoje ftesen per ne NATO nga Samiti i Bukureshtit dhe te mos rrezikoje ne asnje moment stabilitetin e saj aq te domosdoshem ne rajon, per shkak te nje vetoje te mundshme greke ne momentin e votimit per anetaresim.
