Mbaron emergjenca, rrethohet krateri

Forcat e xhenios mbyllin fazen e emergjences pas kerkimeve dyjavore ne fshatin Gerdec te Tiranes. Mesjaven e ardhshme do te hapet rruga kryesore qe lidh Voren me zonen e banuar dhe do te nise riparimi i infrastruktures. Lajmin e beri te ditur koloneli Xhevdet Zeneli, njekohesisht zevendeskomandanti i operacionit te kerkim-shpetimit ne zonen e tragjedise ku vdiqen 25 persona. Por kerkimet per pastrimin do te perqendrohen ne kraterin e fabrikes se demontimit te municioneve dhe zona do te rrethohet me tela me gjemba per te mos lejuar levizjet e pakontrolluara.

Perfundon emergjenca

"Mund te deklaroj se ka perfunduar faza e emergjences dhe qe prej dites se sotme (dje), banoret mund te rikthehen te gjithe ne banesa, pasi zona eshte e pastruar krejtesisht nga predhat", tha Zeneli dje per mediat. Ai shtoi se forcat e xhenios per dy dite me radhe, kane kontrolluar edhe nje here zonen e fatkeqesise ne Gerdec, Marqinet e Maminas, duke hequr cdo mbeturine. Por kjo leje nuk vlen per hyrjen ne zonen e shperthimit, qe cilesohet dhe si krateri. "Kjo hapesire, qe shkon deri ne 3,5 ha, do te rrethohet e gjitha dhe brenda do te lejohen trupa te specializuara per te kryer veprimet e keqyrjes e pastrimit", tha Zeneli. Aktualisht mesohet se ka mbetur per t'u kontrolluar terreni i pyllezuar mbi fabrike, per te gjetur predha te pashperthyera dhe qe te kryhet cminimi i tyre. "Banoret mund t'i kthehen shtepive te tyre qe te gjithe, ndersa nga e marta do te nise puna edhe per rikonstruksionin e rrugeve te fshatrave qe lidhen me autostraden", sqaroi Zeneli. Me mjetet qe disponojne xhenieret do te futen ne zone per te riparuar demet.

Vazhdojne kerkimet

Ushtria do te vazhdoje kerkimet ne krater per gjetjen edhe te nje prej vajzave te deklaruara te zhdukura nga familjet diten e tragjedise, me 15 mars te ketij viti. Forcat xhenio, qe jane perqendruar ne kraterin e Gerdecit, kane kryer edhe dje kontrolle ne zonen e demtuar nga shperthimi, por pa konstatuar ndonje kufome tjeter. Dy dite me pare xhenieret zbuluan kufomen e nje prej vajzave, qe mendohet se i perket te zhdukurave dhe e derguan ne morg per ekspertize mjeko-ligjore dhe analizat e ADN-se, nepermjet te cilave do te kryhet identifikimi. Aktualisht deklarohen te zhdukura punetoret Shqipe Alhasa, 25 vjece dhe Zelie Leti, 19 vjece.

Familjet, ne pritje te analizave te ADN-se

Vazhdon ankthi i familjareve per trupat e humbur te vajzave qe njekohesisht punonin ne fabriken e demontimit ne Gerdec. Edhe dje, te afermit jane interesuar ne godinen e Mjekesise Ligjore ne Tirane per rezultatet e analizave. Burime nga ky institucion thane per gazeten "KJ" se jane duke kryer analizat e ADN-se per kufomen e gjetur dy dite me pare ne rrenojat e fabrikes. Por, rezultatet pas kampioneve te marra nga trupi, qe i perket nje vajze te moshes 25-30 vjece, pritet te dalin vetem pas dy ditesh. Ekspertet thone se ekzistojne mundesite e identifikimit, sepse ka pjese te trupit nga te cilat eshte mundesuar marrja e kampioneve. Po keshtu, nepermjet grupit te gjakut do te behet e mundur te zbulohet identiteti i viktimes.