Trebicka: Qe te henen te zyra e Ina Rames

Prokuroria shqiptare vendos te marre ne pyetje biznesmenin shqiptar ne SHBA, Kosta Trebicka, njekohesisht edhe nenkontraktor i perzgjedhur i firmes amerikane AEY per paketimin e municioneve qe do bliheshin ne Shqiperi. Ne nje bisede telefonike me gazeten "KJ", Trebicka konfirmon se eshte thirrur per te deshmuar ne organin e akuzes dhe se do te mberrije ne Tirane gjate dites se hene. Per momentin gjendet ne vendin e larget, ku thote se eshte kontaktuar edhe nga autoritetet amerikane rreth skandalit per fisheket e skaduar qe jane blere nga kompania AEY dhe bisedes se pergjuar te vitit te kaluar mes tij e Efraim Diverolit. Trebicka thote se ky hetim po kryhet edhe ne SHBA, ndersa prokuroria shqiptare disponon kaseten e pergjimit te kryer dhe se do te jape shpjegime te tjera rreth ceshtjes. I pyetur nese do te kontaktoje me personat e atakuar, ai pergjigjet se nuk ka asnje arsye dhe se kjo ceshtje eshte ne doren e investiguesve shqiptare. Me poshte po japim intervisten e dhene per gazeten nga biznesmeni Trebicka, pronar i firmes "Xhoi".

Zoti Trebicka, sipas nje informacioni nga Prokuroria e Tiranes, ju jeni thirrur per te deshmuar rreth bisedes telefonike te pergjuar per ceshtjen e demontimit. Sa qendron ky informacion?

Po, eshte e vertete qe jam thirrur nga organi i prokurorise per te dhene deshmine time rreth dijenise qe kam per kete ceshtje dhe provave qe disponoj.

Kur do te jepet deshmia juaj?

Javen qe vjen. Nuk e di ende diten se kur do te paraqitem. Te henen, une mberrij ne Tirane dhe do te jem ne dispozicion te organit te akuzes per te dhene te gjitha informacionet qe disponoj.

Do te dorezoni materialet e pergjuara dhe informacione shtese?

Materialet e pergjuara, apo kaseten aktualisht prokuroria e disponon dhe nuk kam pse ta dorezoj. Organi i akuzes e ka ne dore kete material dhe, me sa kam dijeni, po e shqyrton. Sigurisht qe une do te shpjegoj edhe detaje te tjera qe do te me kerkohen gjate pyetjeve qe do te me behen. Pjesa tjeter i perket asaj qe tashme dihet dhe qe po investigohet nga drejtesia shqiptare.

Ku ndodheni aktualisht?

Aktualisht ndodhem ne Shtetet e Bashkuara te Amerikes, ku kam te vendosur edhe biznesin tim. Por javen e ardhshme do te gjendem ne Shqiperi. Edhe ketu kane nisur hetimet dhe mua me kane kontaktuar autoritete te drejtesise amerikane.

Ju doni te thoni se kane nisur hetimet edhe nga strukturat shteterore vendase ne SHBA per pergjimin e kryer me Efraim Diveroli?

Po, eshte e vertete. Kane nisur hetimet edhe ketu dhe materialet gjenden ne duart e drejtesise se SHBA-ve qe po investigojne. Une jam pyetur nga ta rreth ceshtjes dhe kam dhene te gjitha shpjegimet.

Mund te na thoni se cili autoritet ju ka marre ne pyetje?

Jo, me vjen keq, por nuk mund ta them. Rendesi ka qe jane autoritete shteterore. Me tej do ishte e tepert.

A ju kane vene ne dijeni rreth pyetjeve qe do ju bejne dhe objektin per te cilin interesohet prokuroria?

Jo, jo, nuk e di se per cfare do me pyesin konkretisht. Kurse objekti dihet, rreth pergjimit te kryer dhe ceshtjes se demontimit e kontratave. Thjesht me eshte bere nje thirrje per t'u paraqitur.

Do te merrni kontakt me ndonje nga personat e permendur ne pergjim pas deshmise ne prokurori?

Absolutisht qe jo. Nuk kam asnje arsye perse te takohem me askend prej tyre. Kjo ceshtje eshte ne investigim te autoriteteve te drejtesise shqiptare, e cila do te japi verdiktin e saj.