Ndoka takon te plagosurit e Gerdecit

Te palgosurit e Gerdecit, te cilet sot jane paciente te spitalit te Brindisit jane ende ne gjendje te rende. Nderkohe qe ata qe po trajtohen ne spitalin e Barit kane mundur te mposhtin plaget dhe semundjet e tyre. Interes per protokollet e mjekimit dhe gjendjen shendetesore te plagorurve ne tragjedine e Gerdecit ka pasur si qellim vizita e ministrit te Shendetesise, Nard Ndoka ne Itali. Gjate dites se djeshme, kreu i Shendetesise ka vizituar te gjitha spitalet ku jane shtruar keta paciente si dhe eshte interesuar edhe per gjendjen e familjareve te te plagosurve. Nderkohe qe prane spitalit te Brindisit dhe te Barit gjenden edhe bashkatdhetare te organizuar, te cilet ne kontaktin me Ndoken moren edhe orientime per t'u qendruar prane te afermve dhe familjareve, te cilet, sipas Ndokes, kane realisht nevoje per mbeshtetje shpirterore."Qeveria shqiptare po merr te gjitha masat qe te largoje cdo pasoje dhe te realizoje cdo nevoje te paraqitur ne kushtet e emergjences e me tej", u ka thene familjareve ministri i Shendetesise, Nard Ndoka. Ne Spitalin e Brindisit aktualisht gjenden 5 te plagosur si dhe ne spitalin e Barit 5 te tjere. Pacientet e Spitalit te Barit konsiderohen jashte rrezikut per jeten. Bashke me pacientin e vogel 3-vjecar, i cili po merr sherbim ne spitalin "Bambino Gesu" te Vatikanit, numri i te plagosurve shkon 11, te cilet marrin sherbim mjekesor ne Itali.