Oketa betohet para Topit si minister i ri i Mbrojtjes
E Shtune, 29 Mars 2008
Ministri i ri i Mbrojtjes, Gazmend Oketa, u betua dje ne Presidence per detyren e marre. Ne ceremonine e organizuar ne kete institucion, ministri i Mbrojtjes u betua per zbatim te ligjeve e Kushtetutes. Pas ekzekutimit te Himnit Kombetar dhe leximit te dekretit perkates, Presidenti i Republikes, Bamir Topi, i dorezoi ministrit te Mbrojtjes, Oketa, dekretin e emerimit, duke i uruar suksese ne detyren e re dhe te rendesishme. Menjehere pas ceremonise se dekretimit ai shkoi ne dikasterin qe do te drejtoje ku u prit nga ish-ministri Mediu. Oketa u votua dy dite me pare Kuvendi me 73 vota pro per te qene ministri i Mbrojtjes pas doreheqjes nga ky post i Fatmir Mediut. Ai do te perfaqesoje Shqiperine javen e ardhshme ne Samitin e Bukureshtit ku pritet marrja e fteses per anetaresimin e vendit ne NATO. Nga deklarimet e deritanishme te ish-numrit dy te qeverise Berisha, Oketa nuk do te ndermarre veprime mbi ngjarjen e Gerdecit te pakten sa te njihet me dokumentacionin per kete ceshtje dhe si eshte vepruar. Oketa u propozua nga kryeministri Sali Berisha per te zene postin e Fatmir Mediut, vetem pak dite pasi ky i fundit dha doreheqjen nga posti pas shperthimit te fabrikes se demontimit te armeve ne fshatin Gerdec. E gjeti menjehere mbeshtetjen e Presidentit Bamir Topi. Ish-ministri dha doreheqjen si pasoje e shperthimit te depos se demontimit te armeve ne Gerdec dhe u shpreh i gatshem qe te vihet para drejtesise nese do te jete e nevojshme gjate hetimit te tragjedise. Ne ceremonine e organizuar dje per betimin e ministrit te Mbrojtjes ne Presidence, moren pjese nenkryetari i Kuvendit, Fatos Beja, kryetari i Grupit parlamentar te Partise Demokratike, Astrit Patozi, kryetari i Gjykates Kushtetuese, Vladimir Kristo, Avokati i Popullit, Ermir Dobjani, Prokurorja e Pergjithshme, Ina Rama e nenkryetari i KLD, Kreshnik Spahiu, kryetari i KLSH-se. Lista vijon me drejtuesit e institucioneve te vendit. Ne ceremoni nuk mori pjese asnje prej perfaqesuesve te opozites ne vend.
R.Rapushi
