Gjendet i vdekur inspektori i pyjeve, dyshimet per vrasje

Nje inspektor i pyjeve te zones se Librazhdit eshte gjetur i vdekur ne mal. Bedri Belba, 45 vjec, me banim ne fshatin Skroske, te komunes Qukes, ne Librazhd, eshte gjetur pa jete, dje, ne oret e para te mengjesit ne vendin e quajtur “Ponjeza”. Babai i tre femijeve ishte inspektor pyjesh ne malin e Vecanit, te komunes Hotolisht. Belba ishte larguar nga shtepia kater dite me pare. Ai ishte nisur te inspektonte zonen e mbuluar me pyje, ne te cilen ishte i punesuar prej 2 vjetesh. Familjaret jane shqetesuar pasi kane kaluar dy dite nga largimi nga shtepia. Sipas marreveshjes te bere me pjesetaret e familjes, ata duhej te interesoheshin per te vetem pas dy ditesh. Familjaret jane interesuar te te afermit dhe miqte ne zone, nga te cilet kane marre pergjigje negative dhe me pas eshte njoftuar policia. Uniformat blu kane nisur kerkimet bashke me familjaret. Bedri Belba eshte gjetur rreth 1 km larg rruges qe te shpie per ne fshatin Vecan. Kufoma e Bedri Belbes eshte gjetur nga daja i tij, Shaqir Korani, me banim ne Vecan, te komunes Hotolisht. 40-vjecari ka treguar ekskluzivisht per “Koha Jone” te gjithe rrethanat e ngjarjes dhe detajet e nje vdekjeje enigme. “Ka dale nga shtepia e tij rreth ores 14:30 dhe ishte nisur per te qendruar per darke tek une, ka rrefyer 40-vjecari. Ai vonoi. Menduam se ishte nisur per ne shtepi. Te marten ne mbremje, telefonuan familjaret. Kontrolluam zonen dhe pergjate rruges per ne Vecan pashe nga larg trupin e tij”. Shaqir Korani tregon se kufoma u gjet rreth 1 km larg rruges ne anen e poshtme te saj. “U afruam bashke me policin dhe e gjetem te vdekur. Nipi im ishte i shtrire i bere me balte dhe me dy shenja ne pjesen e ballit ne fytyre. Nga inventari paraprak, mesova se mungonte canta me dokumente. Ne xhep i jane gjetur 1600 leke”, perfundon rrefimin daja i viktimes.

Fatos Salliu

Policia: Hetohet edhe per vrasje

Drejtoria e Policise se Elbasanit ka bere te ditur se Bedri Belba eshte gjetur i vdekur ne nje rruge malore. Sipas te dhenave te para, dyshohet te kete vdekur nga te ftohtit, por nuk perjashtohet edhe mundesia e vrasjes. Kjo pasi ne trupin e tij jane gjetur shenja dhune, kufoma ishte shume larg rruges, e perbaltur dhe inspektorit i mungonte canta me dokumentet e punes. Keto fakte kane bere qe hetuesit te dyshojne per vrasje te qellimshme te Bedri Belbes, pas ndonje konflikti te mundshem qe mund te kete pasur me ndonje keqberes ne pyll.